QARAǴANDY. 28 qańtar. Qaraǵandy oblysynda birqatar kadrlyq taǵaıyndaýlar boldy. Bul týraly oblys ákiminiń baspasóz qyzmetine silteme jasaǵan egemen.kz tilshisi habarlady.
2016 jyldyń 14 qańtardaǵy Qazaqstan Respýblıkasynyń Memlekettik qyzmet isteri mınıstrliginiń jaýapty hatshysynyń buıryǵyna sáıkes, Qazaqstan Respýblıkasynyń Memlekettik qyzmet isteri mınıstrliginiń Qaraǵandy oblysy boıynsha departamentiniń basshysy, Ádep jónindegi keńestiń tóraǵasy bolyp Jandos Sheralyuly Sársenov taǵaıyndaldy.
J.Sársenov 1979 jyly dúnıege kelgen, «zańger-halyqaralyq saıasat bilgiri» mamandyǵy boıynsha Abaı atyndaǵy Almaty memlekettik ýnıversıtetin (2001), «memlekettik basqarý jáne menedjment» mamandyǵy boıynsha London ekonomıka jáne saıası ǵylymdar mektebin (2010) támamdaǵan.
2001-2011 jyldary Qazaqstan Respýblıkasy Parlamenti Májilisiniń apparatynda ártúrli laýazymdarda qyzmet etken.
2011-2012 jyldary – Soltústik Qazaqstan oblysy ákimi apparaty basshysynyń orynbasary.
2012-2013 jyldary Qazaqstan Respýblıkasynyń Memlekettik qyzmet isteri agenttiginiń Ortalyq apparatynda jaýapty mansaptarda qyzmet etti.
2014 jyldyń qarashasynan 2016 jyldyń qańtaryna deıin Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamenti basshysynyń orynbasary – Qaraǵandy oblysyndaǵy Tártiptik keńestiń tóraǵasy qyzmetin atqardy.
2016 jyldyń qańtarynan bastap Qazaqstan Respýblıkasynyń Memlekettik qyzmet isteri mınıstrliginiń Qaraǵandy oblysy boıynsha departamentiniń basshysy, Ádep jónindegi keńestiń tóraǵasy laýazymyna taǵaıyndaldy.
Qazaqstan Respýblıkasynyń Memlekettik qyzmet isteri mınıstrliginiń Qaraǵandy oblysy boıynsha departamenti basshysynyń orynbasary, Ádep Keńesi hatshylyǵynyń meńgerýshisi bolyp Berik Muhamedjanuly Ahmetov taǵaıyndaldy.
Berik Ahmetov 1961 jyly dúnıege kelgen, «zańger» mamandyǵy boıynsha Qaraǵandy memlekettik ýnıversıtetin (1987), «esep jáne aýdıt» mamandyǵy boıynsha Qaraǵandy ekonomıkalyq ýnıversıtetin (2007) támamdaǵan. Qaraǵandy oblysynyń memlekettik qyzmet isteri basqarmasynda 2012 jyldan bastap qyzmet etedi, buǵan deıin 25 jyl prokýratýra organdarynda qyzmet atqarǵan, Qaraǵandy oblysynyń birqatar qalalary men aýdandarynda prokýror laýazymynda boldy.
Taǵaıyndaýǵa deıin Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysyndaǵy Tártiptik keńesi hatshylyǵynyń meńgerýshisi qyzmetin atqardy.
Qazaqstan Respýblıkasynyń Memlekettik qyzmet isteri mınıstrliginiń Qaraǵandy oblysy boıynsha departamenti basshysynyń orynbasary bolyp Talant Baqbergenuly Medet taǵaıyndaldy.
Talant Medet 1980 jyly dúnıege kelgen, «tarıhshy» mamandyǵy boıynsha Qaraǵandy memlekettik ýnıversıtetin (2001), «zańger» mamandyǵy boıynsha «Femıda» zań akademııasyn (2005) támamdaǵan.
2004-2008 jyldary Qaraǵandy oblysynyń ishki saıasat basqarmasynda ártúrli laýazymdarda qyzmet atqarǵan. 2008 jyldan 2014 jylǵa deıin Qaraǵandy oblysynyń memlekettik qyzmet isteri basqarmasynda konsýltant, bólim basshysy laýazymdarynda boldy. 2014 jyldan bastap - Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamentiniń memlekettik qyzmetti ótkerý bóliminiń basshysy.
Taǵaıyndaýǵa deıin Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń Qaraǵandy oblysy boıynsha departamentiniń Memlekettik qyzmet jáne sybaılas jemqorlyqtyń aldyn alý basqarmasynyń basshysy qyzmetinde boldy.
Qaırat Ábildınov.
Derek, sýret: Qaraǵandy oblys ákiminiń baspasóz qyzmeti.