Qordyń 15 shaǵyn nesıe uıymyndaǵy úlesteri satyldy

Jekeshelendirýdiń ekinshi tolqyny aıasynda 2014-2015 jyldary «QazAgro» holdınginiń enshiles kompanııasy – «Aýyl sharýashylyǵyn qarjylaı qoldaý qory» AQ on bes shaǵyn nesıe uıymynyń jarǵylyq kapıtalyndaǵy óz úlesterin satty. Atalmysh sheshim «2014-2016 jyldarǵa arnalǵan jeke­shelendirýdiń keshendi josparyn bekitý týraly» Úkimet qaýlysyn oryndaý maqsatynda júzege asyrylǵan. Bul qujat boıynsha ótken jyly qordyń 7 shaǵyn nesıe uıymyndaǵy úlesi satyldy. Olar: «AıyrtaýQarjySoltústik» ShNU, «Túlkibas-Agro» ShNU, «Sharýa-Qarjy» ShNU, «Terekta-Fınans» ShNU, «Mahambet» ShNU, «Jańatas-Nesıe» ShQU, «Jiger-Esil» ShNU JShS. Qordyń ókiletti organy taǵy úsh shaǵyn nesıe uıymyndaǵy qatysý úlesterin satý týraly she­shim qabyldady. Qazir «MuzTaýNesıe» ShNU, «Eskeldi» ShNU, «Energııa» ShNU JShS boıynsha saýda-sattyqtar ótkizilýde. Esterińizge sala keteıik, 2007-2008 jyldary aýyl turǵyn­da­rynyń nesıelik resýrstarǵa qoljetimdiligin arttyrý maqsa­tymen Aýyl sharýashylyǵyn qar­jylaı qoldaý qorynyń qaty­sýymen 51 shaǵyn nesıe uıymynan júıe quryldy. Atalmysh ShNU aýyl turǵyndaryn qarjyl­an­dyryp, Qazaqstannyń 100 aýda­nyn qamtydy. Búgingi tańda olardyń 29-y satylyp, shaǵyn nesıe na­ryǵynda derbes qyzmet etýde. Anyqtama úshin: «Aýyl sha­rýashylyǵyn qarjylaı qoldaý qory» aksıonerlik qoǵamy «Qaz­Agro» ulttyq basqarýshy hol­dıngi» AQ quramyna kiretin mamandandyrylǵan qarjy-nesıelik uıymy bolyp tabylady. 2007 jyldan bastap «QazAgro» ulttyq basqarýshy holdıngi» AQ quramyna kiredi. Qordyń mıssııasy – aýyldyq kásipkerlikti damytý, aýyldy jerlerde tıimdi shaǵyn nesıeleý júıesin damytý arqyly halyqtyń hal-aýqatyn arttyrý. «Egemen-aqparat».