Balabaqshaǵa barý baǵasy eki ese tómendemek

«Nur Otan» partııasy Almaty qalalyq fılıalynyń fraksııasy osylaı sheshti Almaty qalasynda 1 aq­pannan bastap memlekettik balabaqshalarda bir bala úshin tólenetin aqy quny 15 myń teńgeden aspaıdy. Bul jóninde depýtattar Almaty qalasy máslıhatynyń 50-shi sessııasynda biraýyzdan qaýly qabyldady. Esterińizge sala keteıik, «Nur Otan» partııasy Almaty qalalyq fılıalynyń frak­sııasy 2016 jyldyń 22 qań­tarynda memlekettik balabaq­shalardy sharýashylyq esepten memlekettik tapsyrysqa kóshirý jóninde bastama kótergen edi. Budan bylaı, memlekettik bala­baqshalarǵa baratyn eki jas­tan bes jasqa deıingi 17 000 búldirshin úshin tek tamaqtaný quny ǵana tólenetin bolady. Osy maqsatqa jergilikti bıýdjetten ótken jyldyń qorytyndysy boıynsha únemdelgen qarjydan 3 mlrd.teńge bólinip otyr. – Bizde turmysy tómen otba­sy­larynyń problemalaryn sheshý múmkindikteri bar. Sonyń arqasynda búgin balabaqsha qunyn kóterýdiń ornyna 17 myń búldirshin úshin tólenetin aqyny tómendettik. Nátıjesinde, ár­bir otbasy 20 000 teńgege jý­yq aqshany únemdeıtin bolady, – dedi sessııada qala ákimi Baýyrjan Baıbek. Esterińizge sala keteıik, bu­ryndary balabaqshaǵa barý aqy­synyń aılyq eseptik kórsetkishi 27 780 teńge bolatyn. 2016 jyl­dyń basynda bul kórsetkish 2 121 teńgege ósip, almatylyq ıaslı-bala baqshalardyń aqysy 31 815 teńge bolýy tıis edi. Budan ózge, memlekettik ba­labaqshalardyń 3 600 tárbıe­shisiniń ortasha jala­qysy 48 myń teńge bolsa, endi olarǵa 30 paıyz ústeme tó­lenedi. Gúlzeınep SÁDIRQYZY, «Egemen Qazaqstan». ALMATY.