«Aýyl» partııasy: tizimdegiler tolyq tirkeldi

О́tken senbide, ıaǵnı 6 aqpan kúni ótken Ortalyq saılaý komıssııasynyń otyrysynda «Aýyl» halyqtyq-demokratııalyq patrıottyq partııasy (HDPP) atynan Májilis saılaýyna qatysýǵa nıetti barlyq 19 úmitkerdiń tolyq tirkelgeni anyqtalyp, olarǵa tıisti kýálikter tabys etildi. «Sizderdiń nazarlaryńyzǵa Qa­zaq­­stan­nyń «Aýyl» halyqtyq-demo­kra­tııalyq pat­rıottyq partııasynyń par­tııalyq tizimin­degi úmitkerlerdi tir­keý týraly qaý­ly jobasyn usynyp otyr­myn. Qaýly boıynsha «Aýyl» halyq­tyq-demokra­tııa­lyq patrıottyq partııa­synyń partııa­lyq tizimi tirke­ledi. Tizim boıynsha tir­kelgen Parla­ment Májilisiniń depý­tat­tyǵyna kan­dıdattarǵa kýálik beril­sin. Olardyń sany – 19», – dedi qaýly jobasyn tanystyrǵan OSK hatshysy Ba­qyt Mel­deshov. Onyń aıtýynsha, partııalyq tizimge engizilgen azamattardyń Qazaqstan Respýb­lıkasynyń «Saılaý týraly» zańyna sáıkestigi elimizdiń Ishki ister mınıstrligi men Bas prokýratýrasy arqyly tekserilgen. Atalǵan vedomstvolar bergen aqparattarǵa sáıkes, partııalyq tizimdegi azamattardyń barlyǵynyń da zańǵa sáıkestigi anyq­talǵan. Kandıdattardyń jáne olardyń jubaılarynyń tabysy jáne múlki týraly deklarasııalary salyq organdarynyń anyqtamalarymen rastalǵan. Osydan keıin Ortalyq saılaý komıs­sııa­synyń músheleri atalǵan qaýlyny biraý­yzdan qabyldady. Budan soń «Aýyl» halyqtyq-demo­kratııalyq patrıottyq partııasynan Májilis depýtattyǵyna kan­dıdattardyń arnaıy kýáligi berildi. «Árbir saıası partııa úshin saılaý aldynda Ortalyq saılaý komıssııasyna par­tııalyq tizimin tirkeýden ótkizý mańyzdy beles dep esepteımiz. Sebebi, negizgi ju­mys­tardyń barlyǵy da osydan keıin bastal­­ady. Saılaýǵa daıyndyq, saılaý baǵdar­lamasyn nasıhattaý jumystarynyń bas­talýy osy tirkelýge baılanysty bol­ǵandyqtan, muny asyǵa kútken edik. Kandı­dat­tarymyzdyń barlyq qajetti qujat­taryn tolyq tapsyrǵanbyz. О́tken sezde bekitilgen partııalyq tizimimiz tolyǵymen tirkeldi», – dedi OSK otyrysynan keıin BAQ ókilderine suhbat bergen «Aýyl» HDPP-nyń tóraǵasy Álı Bektaev. Sonymen qatar, ol aldaǵy saılaý zań aıasynda ádil ótetindigine senetindikterin jetkize kelip, tirkeýden ótken úmitker­lerdiń quramyna qysqasha sıpattama berdi. «Bizdiń 19 úmitkerimizdiń barlyǵy da joǵary bilimdi. Onyń ishinde 11 azamat aýyl sharýashylyǵy mamandyǵy bo­ıynsha bilim alǵan. Beseýi zańger jáne ekonomıst. Olardyń barlyǵynyń da ómirlik tájirıbeleri mol. Aramyzda bir Memlekettik syılyqtyń laýreaty, bes ǵylym doktory, úsh ǵylym kandıdaty bar», – dedi partııa tóraǵasy. Aıta keteıik, partııalyq tizimder bo­ıynsha saılanatyn Parlament Májilisi depýtattarynyń saılaýyn ázirleý men ótkizý jónindegi negizgi is-sharalardyń Ortalyq saılaý komıssııasynyń bekitken kúntizbelik josparyna sáıkes, partııalyq tizimderdi tirkeý 19 aqpanda aıaqtalady. Joldybaı BAZAR, «Egemen Qazaqstan».