Ǵalym, bilikti ustaz, aqyn, jazýshy, dramatýrg, ádebı aýdarmashy, ǵumyryn Abaı murasyn zertteýge arnaǵan, shákárimtanýdyń negizin qalaýshy, Qazaq KSR Gımniniń avtory, KSRO Jazýshylar odaǵynyń múshesi, Qazaqstannyń Memlekettik syılyǵynyń, Jazýshylar odaǵy syılyǵynyń, Halyqaralyq «Alash» ádebı syılyǵynyń laýreaty jáne Halyqaralyq Abaı akademııasynyń (London) Altyn medaliniń ıegeri, professor, KSRO jáne Qazaqstan halyq aǵartý isiniń úzdigi Qaıym Muhamedhanovtyń týǵanyna 100 jyl tolyp otyr. Osyǵan oraı, «Áziret Sultan» qoryq-murajaıy, Qoja Ahmet Iаsaýı kesenesinde «Segiz qyrly, bir syrly» kórmesiniń tusaýyn kesti. Kórmeni «Áziret Sultan» qoryq-murajaıy dırektory Áýbákir Jandos Maǵazbekuly ashyp, Qaıym Muhamedhanovtyń qazaq ǵylymyna qosqan súbeli úlesine toqtaldy. Qoja Ahmet Iаsaýı atyndaǵy HQTÝ-dyń oqytýshysy, ǵalym Saparbek Ergóbek Qaıym Muhamedhanovtyń uly aqyn Abaı álemin zertteýdegi janqııarlyq eńbegine aıryqsha toqtaldy.
Kórmeni tamashalaýǵa buqaralyq aqparat quraldary, qaladaǵy Etnopedagogıkalyq kolledjdiń stýdentteri men oqytýshylary jáne №1 Ahmet Baıtursynov atyndaǵy qazaq orta mektebiniń oqýshylary qatysyp, taǵylymy mol sharadan áserlenip tarqasty.
«Egemen-aqparat».