ASTANA. 9 aqpan. Elbasy «Samuryq-Qazyna» AQ basqarmasynyń tóraǵasy О́mirzaq Shókeevti qabyldady. Bul týraly akorda.kz habarlady.
О́mirzaq Shókeev kezdesý barysynda Memleket basshysyna holdıngti transformasııalaý baǵdarlamasyn jáne onyń aktıvterin jekeshelendirýdi júzege asyrý barysy týraly, sondaı-aq, korporatıvtik basqarýdy jetildirý sharalary jóninde baıandady.
Aıtalyq, 2015 jyly kompanııanyń aǵymdaǵy shyǵystary 520 mıllıard teńgege qysqartyldy, basymdyǵy joq birqatar ınvestısııalyq jobalar keıinge qaldyryldy, sonyń arqasynda 255 mıllıard teńge únemdeldi. Kredıtorlarmen kelissózder nátıjesinde kompanııalar tobynyń jalpy qaryzy 7 mıllıard dollarǵa azaıdy.
Nursultan Nazarbaev júzege asyrylyp jatqan jekeshelendirý baǵdarlamasynyń mańyzdylyǵyn atap ótip, osy úderistiń ashyqtyǵy men jarııalylyǵyn qamtamasyz etý mindetin qoıdy.
Sonymen qatar, Qazaqstan Prezıdenti álemdik ekonomıkanyń turaqsyzdyǵyna qaramastan, holdıng áleýmettik mańyzdy jobalardy júzege asyrýdy jalǵastyryp, jańa jumys oryndaryn ashýǵa tıistigine nazar aýdardy.
О́mirzaq Shókeev óńirlerdegi iri jobalarǵa, sonyń ishinde Atyraý oblysyndaǵy munaı hımııasy ónimderin shyǵaratyn kásiporyn qurylysyna, Jambyl oblysyndaǵy kaýstıkalyq soda jáne glıfosat óndiretin óndiristik keshenge, sondaı-aq, «Soltústik-Shyǵys» elektr taratý jelisiniń qurylysyna ınvestısııa salý kólemi ulǵaıǵany týraly aıtty.
Elbasy kezdesý qorytyndysy boıynsha birqatar naqty tapsyrma berdi.
Elaman Qońyr.
Derek, sýret: akorda.kz.