Áriptestik aıdyny keńeıe beredi

Keshe Qazaqstan Respýblıkasynyń Memlekettik hatshysy Gúlshara Ábdiqalyqova Birikken Arab Ámirlikteriniń Tótenshe jáne ókiletti elshisi Sýheıl Matar ál-Ketbımen onyń dıplomatııalyq qyzmetiniń aıaqtalýyna oraı kezdesti. Kezdesý barysynda Qazaq­stan Respýblıkasy men Birikken Arab Ámirlikteri (BAÁ) ynty­maq­tastyǵynyń búgingi jaı-kúıine jáne keleshegine qatysty keń aýqymdy máseleler tal­qy­lanyp, kún tártibindegi óńirlik jáne halyqaralyq ózekti máseleler jóninde pikir almasyldy. Taraptar ekijaqty saý­da-ekonomıkalyq jáne ınves­tı­sııalyq baılanystardyń qazir­gi damý qarqynyna qa­naǵat- ­­ta­natyn­daryn bildirdi. О́t­ken 10 jyl ishinde BAÁ-den kel­­gen ın­ves­tısııanyń jalpy kólemi 2 mıl­lıard dollar bol­dy. BAÁ Qazaq­stanmen ara­daǵy taýar aınalymy boıynsha Par­sy shyǵanaǵyndaǵy arab el­deri arasynda birinshi orynda tur. 2015 jylǵy qańtar-qarasha aralyǵynda Qazaqstan Respýblıkasy men Birikken Arab Ámirlikteri arasyndaǵy taýar aınalymy 97 mıllıon dol­lar boldy. Qazaqstanda týrızm, kólik-ekspedısııalyq servıs, tutynýshylarǵa qyzmet kór­setý salalarynda BAÁ kapı­talynyń úlesi bar 50 kásiporyn tirkelgen. Memlekettik hatshy Birikken Arab Ámirlikteri Qazaqstannyń arab álemindegi jáne Parsy shyǵanaǵy aımaǵyndaǵy negizgi seriktesi ekenin atap óte kelip, BUU Qaýipsizdik Keńesiniń 2017-2018 jyldardaǵy turaqty emes músheligine Qazaqstannyń kandıdatýrasyn jáne elimizdiń Islam azyq-túlik qaýipsizdigi uıymyn qurý jónindegi bastamasyn qoldaǵany úshin, sondaı-aq, BAÁ Úkimetiniń Astanadaǵy EKSPO-2017 kórmesine qatysatynyn rastaǵanyna rıza­shy­lyǵyn bildirdi. G.Ábdiqalyqova BAÁ aldaǵy ýaqytta da Qazaqstanda iri ınves­tor bolyp qala beretinin aıtty. Astanadaǵy quny 1,6 mıllıard dollardy quraıtyn «Ábý Dabı Plaza» kóp fýnksııaly kesheniniń qurylysy, TMD jáne Qazaqstan aýmaǵynda qyzmetin bastaǵan, kapıtaly 176 mıllıon dollar bolatyn «Al Hilal» Islam banki, «Falah Growth Fund» birikken ınvestısııalyq qory – eki el yntymaqtastyǵynyń jarqyn kórinisi, dedi ol. Memlekettik hatshy Qazaq­stan­- da EKSPO-2017 kórmesi aýma­ǵynda «Astana» halyqaralyq qarjy ortalyǵy qurylǵanyn, ol Dý­baıdyń halyqaralyq qarjy orta­lyǵymen tájirıbe almasatynyn aıtty. «Astana» HQO Qa­zaq­stannyń qarjy ınfraqury­lymynyń ózegine, búkil Ortalyq Azııa óńiriniń iri iskerlik habyna aınalýǵa tıis, dedi Gúlshara Naýshaqyzy. Memlekettik hatshy kezdesý sońynda Birikken Arab Ámirlikteriniń elshisi Sýheıl Matar ál-Ketbıge zor densaýlyq, jańa qyzmetinde tabys tiledi. Jaqsybaı SAMRAT, «Egemen Qazaqstan».