AQTО́BE. 12 aqpan. Aqtóbe qalasyndaǵy Saǵı Jıenbaev atyndaǵy oblystyq jasóspirimder kitaphanasynda uıymdastyrylǵan aqıyq aqyn Muqaǵalı Maqataevtyń týǵanyna 85 jyl tolýyna arnalǵan «Men ómirdi jyrlaý úshin kelgenmin» atty poezııa keshi ótti. Oǵan «Shuǵyla» ádebı-shyǵarmashylyq birlestiginiń músheleri men stýdentter qatysty. Bul týraly egemen.kz tilshisi habarlady.
Keshte kitaphananyń «Aq qaýyrsyn» poezııa klýbynyń músheleri aqynnyń «Joq, dáriger…», «Anama» sııaqty óleńderin jatqa aıtyp, arnaý óleńderin oqydy. Aqtóbe gýmanıtarlyq kolledjiniń oqýshylary aqıyq aqynǵa arnap «Aq saǵymdaı saǵynysh» atty qoıylym usyndy. Sondaı-aq, kesh barysynda oqyrmandarǵa aqynnyń ómiri men shyǵarmashylyǵy týraly «Muqym eldiń muzbalaǵy», «Muqaǵalı esimi máńgilik» atty beınefılmnen úzindiler men slaıdtar kórsetildi.
Sharanyń ekinshi bóliminde «Shuǵyla» ádebı-shyǵarmashylyq birlestiginiń músheleri «Qosh, mahabbat» pesasynan úzindiler qoıdy. Kesh sońynda kópshilikke «Muqaǵalı – máńgilik ǵumyr» atty kitap kórmesi uıymdastyryldy.
Satybaldy Sáýirbaı.
Derek: egemen.kz.
Sýret: ria.ru.