Yqpaldastyqty ilgeriletý turǵysyndaǵy sharalar

Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Máskeýde Eýrazııalyq ekonomıkalyq komıssııa Keńesiniń otyrysyna qatysty, dep habarlady Premer-Mınıstrdiń baspasóz qyzmeti. Qazaqstan Respýblıkasy 2016 jyly Joǵary Eýrazııalyq ekono­mıkalyq keńeske, Eýrazııalyq úkimetaralyq keńeske jáne Eý­r­a­zııalyq ekonomıkalyq komıssııa Keńesine (EEK) tóraǵalyq etedi. EEK Keńesiniń otyrysy ústi­miz­degi jyly qazaqstandyq tarap­tyń tóraǵalyǵymen birinshi ret ótip otyr. Keńes músheleri 2016 jyldyń 1 qań­tarynan EEK Alqasy jańa qura­mynyń jumysy bastalýyn eskere otyryp, Komıssııany qalyp­tastyrý máselelerin qarady. Otyrys barysynda ortaq farmasevtıkalyq rynok qurý boıynsha birqatar aktiler tal­qy­landy. Ol medısınalyq prepa­rattar men buıymdardyń qaýip­sizdigi men sapasyn arttyrý úshin jaǵdaılardy qamtamasyz etýge múmkindik týǵyzyp, olardyń EAEO elderi rynogyndaǵy qoljetimdiligin qamtamasyz etedi. Onyń syrtynda, bútindeı al­ǵanda EAEO Joǵary jáne úki­met­aralyq keńesiniń munaı­dyń, munaı ónimderi men gazdyń or­taq rynogyn qalyptastyrý tujy­rymdamasy boıynsha she­shim­deriniń jobalary maquldandy. Ondaı rynoktar bolashaqta múshe memleketter energııa júıeleriniń turaqtylyǵyna jaǵdaı jasaıtyn bolady. Komıssııaǵa elderdiń ókiletti organdarymen birlesip EAEO-nyń Jańa keden kodeksiniń joba­symen jumysty belsendirek júr­gizý tapsyryldy. Bul qujat­tyń qabyldanýy kedendik prosedýralardy jeńildetýge, keden qyzmeti jumysynyń júıesine úzdik halyqaralyq tájirıbelerdi engizýge baǵyttalǵan. Bútindeı alǵanda, EEK Keńesi otyrysyna qatysýshylar elýden astam máselelerdi qarady.