«Nur Otan» partııasy: suraq – sizden, jaýap – bizden

Keshe «Nur Otan» partııasynyń Astanadaǵy respýblıkalyq qoǵamdyq qabyldaý bólmesinde shalǵaıda jatqan aýyl turǵyndaryn «Qazposhta» AQ bólimderi arqyly onlaın rejimde tyńdaý uıymdastyryldy. Atalǵan shara «Partııaǵa ótinish» aksııasy aıasynda ótkizildi. Aksııa sheńberinde qolǵa alynǵan bul jolǵy shara bilim berý salasyna arnaldy. Sondyqtan, shalǵaıdaǵy aýyl turǵyndarynyń túrli saýaldaryna jaýap berý úshin partııanyń qoǵamdyq qabyldaý bólmesine Bilim jáne ǵylym vıse-mınıstri Tahır Balyqbaev keldi. Qabyldaý barysynda Skype baǵdarlamasy arqyly Aqmola oblysy Aqkól aýdany Ýrıpınka aýylynyń, Jambyl oblysy Jýaly aýdany Shaqpaq ata aýylynyń, Qostanaı oblysy Fedorov aýdany Peshkova aýylynyń, Aqtóbe oblysy Alǵa qalasynyń, sondaı-aq, Pavlodar, Kókshetaý, Atyraý qalalarynyń turǵyndary Bilim jáne ǵylym vıse-mınıstri Tahır Balyqbaevqa ózderin tolǵantyp júrgen suraqtaryn qoıyp, sol zamatta tıisti jaýaptaryn aldy. Jalpy, onlaın rejimdegi bul qabyldaý kezinde azamattar ózderiniń jeke máselelerine baılanysty jáne bilim berý salasyna qatysty kóptegen saýaldar qoıdy. Al óz kezeginde vıse-mınıstr turǵyndardyń árbir suraǵyn muqııat tyńdap, yjdahatpen jaýap berip otyrdy. Osy arada túsindire keteıik, «Partııaǵa ótinish» aksııasy aýyl turǵyndaryna oblys ortalyqtaryna barmaı-aq jergilikti poshta bólim­sheleri arqyly «Nur Otan» partııa­synyń qoǵamdyq qabyldaý bólmelerine ózderiniń usynystary men ótinishterin jetkizýge, suraqtaryn qoıýǵa, sonymen birge, memlekettik organ basshylarymen onlaın rejimde baılanysqa shyǵýyna múmkindik berip otyr. Bul azamattardyń ýaqyty men qarajatyn únemdeýge de septigin tıgizedi. «Nur Otan» partııasy respýb­lı­kalyq qoǵamdyq qabyldaý bólmesi meń­ge­rýshi­siniń orynbasary Jumajan Júke­novtiń aıtýynsha, atalǵan múm­kin­dik partııa men «Qazposhta» ak­sıo­nerlik koǵamy arasyndaǵy ózara árip­testik nátıjesinde júzege asyrylýda. «2015 jyly 65 shalǵaıdaǵy poshta baılanys bólimsheleri arqyly azamattardy qabyldaý júrgizilgen. Aldaǵy ýaqytta bul baǵyttaǵy jumystardy odan ári ulǵaıta túsý josparda tur», – dedi J.Júkenov. Aıta keteıik, «Nur Otan» partııasy aksııa aıasynda alystaǵy eldi mekenderdegi azamattardy tolǵantqan túrli máselelerdi qamtýǵa múmkindik alyp otyr. Sonymen qatar, osy joba arqyly halyqty memlekettik organ­dardyń atqaryp jatqan jumystary jónin­de aqparattandyrýǵa qol jetki­zilýde. Joldybaı BAZAR, «Egemen Qazaqstan».