[caption id="attachment_23855" align="alignnone" width="560"] ????????????????????????????????????[/caption]
Keshe Astanada «Birlik» partııasynyń saılaýaldy shtaby ashyldy. 10-ǵa tarta qyzmetker jumys isteıtin shtab barlyq qajetti tehnıkalyq quraldarmen jabdyqtalǵan. Sondaı-aq, saılaýshylardy qabyldaıtyn arnaıy bólmelermen jasaqtalǵan.
Saıası partııanyń saılaýaldy shtabtary ázirge elimizdiń
8 óńirinde jáne Almaty men Astana qalalarynda ashylyp otyr. Aptanyń sońyna deıin mundaı shtab elimizdiń barlyq aımaǵynda óz jumysyn bastamaq. Partııa tóraǵasynyń orynbasary Tólegen Qýanyshev: «Astanadaǵy bas keńse men oblys ortalyqtaryndaǵy fılıaldardyń on-laın rejimde jedel aqparat almasýyna qajetti jaǵdaı jasalǵan. «Birlik» partııasy saılaýshylardyń kókeıkesti suraqtaryna jaýap berýge daıyn», – deı kele, partııa ókilderi saılaý naýqany kezinde úgit-nasıhat sharalaryn zań aıasynda júrgizetindigin jetkizdi.
«Birlik» partııasy tóraǵasynyń taǵy bir orynbasary Bolat Baıqadamov saılaýaldy shtabtyń ashylý kezinde saltanatty túrde lenta qıdy.
Láıla EDILQYZY,
«Egemen Qazaqstan».