Elbasynyń qatysýymen ótken Úkimettiń keńeıtilgen otyrysynda elimizdiń ótken jylǵy áleýmettik-ekonomıkalyq qorytyndysy shyǵaryldy. Jıyn barysynda Memleket basshysy: «Kóptegen elder qıyn jaǵdaıda qaldy jáne áleýmettik kiristerin qysqartýǵa, jobalaryn toqtatýǵa májbúr bolyp otyr, nátıjesinde jumyssyzdyq ósýde. Biz ındýstrııalyq nysandar salýdy jalǵastyryp, jańa naryqtarǵa jol ashyp otyrmyz. Daǵdarysqa qarsy bizdiń ekonomıkalyq saıasatymyz tek ekonomıkalyq ósimniń jańa joldaryn izdeý men tabýǵa ǵana baǵyttalyp otyrǵan joq. Meniń tapsyrmalarymnyń báriniń túpki maqsaty – qarapaıym adamnyń muń-muqtajy, onyń ál-aýqaty men turmysynyń turaqtylyǵy», dedi.
Elbasynyń tikeleı bastamasymen, aımaq basshysynyń qoldaýymen iske asyp, eldiń ıgiligine aınalǵan baǵdarlamalar Qyzylorda qalasynda da óz nátıjesin berip jatyr. Mysaly, shahar sońǵy jyldary úlken qurylys alańyna aınalǵanyn maqtanyshpen aıta alamyz. Qala halqy úshin eń mańyzdy máselelerdiń biri turǵyn úı qurylysyna tartylǵan ınvestısııa kólemi 21 mıllıard 600 mıllıon teńgeni qurady. О́tken jyly Qyzylorda qalasy boıynsha barlyǵy 190 myń sharshy metrdi quraıtyn 2 myń 684 páterlik 52 kópqabatty turǵyn úı salyndy. Solaısha, biz turǵyn úı kezeginde turǵan adamdardyń 17 paıyzyn bir jylda baspanamen qamtı aldyq. Sońǵy úsh jylda oblys ortalyǵyn damytýǵa 180 mıllıard teńge qarjy bólindi. Ondaǵan ınvestısııalyq jobalar jasaqtalyp, júzege asyrylýda. Osy aralyqta Qyzylorda qalasy sol jaǵalaýynyń bas jospary jasaqtalyp, shyny zaýyty qurylysy júrgizilýde. Keıingi úsh jylda oblys ortalyǵynyń aýyz sý ınfraqurylymyn damytýǵa 10 mıllıard teńgege jýyq qarjy bólinip, búginde shahar halqy tolyqtaı taza aýyz sýmen qamtylyp otyr. Taǵy bir aıta keterligi, qalany gazdandyrý kórsetkishi 95 paıyzǵa jetti. Sońǵy úsh jyl ishinde qalamyzda 13 mıllıard teńgeden astam qarjyǵa uzyndyǵy 300 shaqyrymǵa jýyq joldar ortasha, kúrdeli jáne qaıta jańǵyrtýdan ótti. Qyzylorda qalasynyń bıýdjeti jyldan-jylǵa artyp keledi. Negizgi kapıtalǵa salynǵan qarjy kólemi 127 mıllıard 341 mıllıon teńgeni qurap, oblysqa salynǵan barlyq ınvestısııanyń 54 paıyzyn qurady. Ekonomıkalyq qıyndyqtarǵa qaramastan Qyzylordada ınfraqurylymdy jańǵyrtý, taza aýyz sýǵa kóshý, sol jaǵalaýmen baılanystyratyn kópirdiń qurylysy sekildi aýqymdy ınvestısııalyq jobalar júzege asýda.
Daǵdarys eki búıirden qysyp, álemdegi qarjylyq jaǵdaı túrli qıyndyqtarmen betpe-bet kelip jatqan mynandaı kezeńde Qazaqstan qarapaıym halyqtyń taryqpaýy úshin qoldan kelgen jumystyń barlyǵyn atqaryp jatyr. Elbasy usynǵan «Ult Jospary» ultty uly murattarǵa jetelep, bes ınstıtýttyq reforma memleket damýyna tyń serpin bermek. Osyndaı irgeli jumystardyń arqasynda Táýelsiz elimiz daǵdarystyń ózinen damýdyń dańǵylyna túspek.
Nurlybek NÁLIBAEV,
Qyzylorda qalasynyń ákimi.
QYZYLORDA.