О́teýsiz grant – 20 mln. dollar, ony óńirlerdegi jastardyń qyzmetine berý josparlanýda.
Taıaýda QR Bilim jáne ǵylym mınıstrligi «Jastar korpýsyn damytý jobasy boıynsha kelisimdi ratıfıkasııalaý týraly» Qazaqstan Respýblıkasy Zańynyń jobasyn QR Parlamenti Senatynda usyndy.
Grant týraly Kelisim jastardy yntalandyrýǵa, ásirese tabysy az, jumyssyz, múgedek jandar jáne osal toptardan shyqqan jastardy áleýmettik jobalardy iske asyrýǵa jáne tabys tabýǵa múmkindik berý maqsatyn kózdeıdi.
Kelisim aıasynda 18-29 jas aralyǵyndaǵy jastarǵa usynylatyn qoǵamdyq paıdaly qyzmetti iske asyratyn jobalar qarjylandyrylady dep boljamdalýda.
Bul jastardyń bos ýaqytyn durys uıymdastyrýǵa, múgedek jandarǵa kómek kórsetýge, bilim berýge jáne úıretýge, jastarǵa keńes berýge, jergilikti jerdi abattandyrýǵa, janýarlardy qorǵaýǵa jáne t.b. jumystarǵa arnalǵan jobalar bolýy múmkin.
Jalpy, grant boıynsha 8,5 myń jasty qamtıtyn 1 700-den astam jobany qarjylandyrý (jastardyń basym bóligi otbasy az qamtylǵan, jumyssyz jáne basqa jastardyń osal toptary), sonymen qatar, 100 jastar uıymyn qamtý josparlanýda.
Osy jobany iske asyrý úshin qanatqaqty óńirler retinde Almaty, Qaraǵandy, Pavlodar jáne Ońtústik Qazaqstan oblystary aıqyndaldy.
Ár jobaǵa 4 myń AQSh dollary bólinedi, ol 6 aı boıy iske asyrylady. Budan basqa, jobalarǵa qatysýshylar aı saıyn áleýmettik stıpendııa alady (140-tan 325 AQSh doll. deıin).
Jobaǵa qatysýǵa nıet bildirgen jastardyń (5 adamǵa deıin) toptary óz jobalarymen ákimdiktiń janynda jumys jasaıtyn Jastardyń resýrstyq ortalyqtaryna barady. Usynylǵan jobalardy QR BǴM qurǵan qoǵamdyq qaıratkerlerden, úkimettik emes uıymdardyń jáne memlekettik organdardyń ókilderinen turatyn arnaıy Komıssııa irikteıdi. Jastar konkýrsqa yntaly toptardyń quramynda jáne jastar (qabyldaýshy) uıymdary arqyly qatysa alady.
Kelisim ratıfıkasııalanǵannan keıin, barlyq uıymdastyrý jumystaryn júzege asyratyn Úılestirý agenttigin tartý úshin halyqaralyq konkýrs jarııalanady.
Jobany iske asyrý merzimi 2016-2017 jyldar bolyp belgilendi.
Nazar QASYM.