Kádege aspaıtyn zattardan kórme

Osy aptada Almatydaǵy Qa­zaq memlekettik qyzdar pedago­gıkalyq ýnıversıtetinde qa­jet emes zattardan jasalǵan buıymdarǵa arnalǵan erekshe kórme ótti. Kelgenderdiń qııa­lyn oıatqan kórmede túkke tur­ǵysyz turmystyq zattardyń qald­yqtarynan jasalǵan keıbir dúnıe­ler kóz qýantty. – Kórme ótkizý ıdeıasy stý­dent­terdi shabyttandyrdy. Jastardyń ózderi de tamasha jumystarǵa kýá boldy. Qazylar alqasy osy buıymdardyń arasynan eń úzdigin anyqtap, ár atalym boıynsha marapattady. Buryn eńbekke baý­lıtyn pánderde ǵana jańa zattardy jasaý­dy úıretetin bolsaq, endigi kezekte kez kelgen stýdent «Sheber qoldar» úıirmesine qatysa alady, – deıdi ýnıversıtettiń mektepke deıingi jáne bastaýysh kafedrasynyń meńgerýshisi Tursynaı Baınazarova. Qııal júıriktigi men jańasha oılaý qabiletin kórsetýdi kóz­degen kórmege pedagogıka já­ne psıhologııa fakýlteti men «QazNur» gýmanıtarlyq kolledji­niń stýdentteri de erekshe atsalysty. О́z mamandyqtary boıynsha kásibı ósýge sep bolatyn sharaǵa plas­tık bótelkelerden, qaqpaqtardan, lampalardan, gúlshoǵy oralǵan qaǵaz, lenta, karton, dısk syndy paıdalanylǵan zattardy qoldana otyryp jańa dúnıeler jasaǵan. Ár jumystyń ataýy, avtory kórsetilip, qazylar alqasyna usynyldy. Kórmege qoıylǵan zattar ózin­dik ereksheligi, estetıkalylyǵy, eko­logııalyq qundylyǵy, paı­da­lanylǵan materıaldardyń ártúr­liligi boıynsha sarapqa salynyp, eń úzdikteri anyqtaldy. Uıymdastyrýshylardyń aı­týynsha, úzdik jumystar Abaı atyn­daǵy Qazaq ulttyq peda­go­gıkalyq ýnıversıtetinde ótetin kór­mege aparylady. Aınash ESALI, «Egemen Qazaqstan». ALMATY.