QARAǴANDY. 16 aqpan. Qaraǵandy memlekettik tehnıkalyq ýnıversıtetinde sovet áskerleriniń Aýǵanstannan shyǵarylýynyń 27 jyldyǵyna arnalǵan «Qurmetke laıyqty jandar» atty qalalyq fotokórme ótti. Bul týraly ekaraganda.kz saıtyna silteme jasaǵan egemen.kz tilshisi habarlady. Kórmege ınternasıonalıst-jaýyngerler odaǵy usynǵan fotosýretter qoıyldy. Stýdentter Aýǵanstan elinde bolǵan soǵys qımyldary týraly asa sırek kezdesetin kadrlarmen tanysýǵa múmkindik aldy. Atalǵan shara óskeleń urpaqtyń boıyndaǵy eline, jerine, óz halqynyń tarıhyna degen maqtanysh sezimin arttyrady. Qaırat Ábildınov. Derek, sýret: ekaraganda.kz.