Investısııa ıgerýdegi ilkimdilik

Keshe Ortalyq kommýnıkasııalar qyzmetinde In­ves­tısııalar jáne damý mınıstrliginiń Investısııalar komıtetiniń tóraǵasy Erlan Qaıyrov baspasóz más­lı­hatyn ótkizdi. Ol elimizdiń ınvestısııalyq tartym­dylyǵy jóninde jáne olarǵa kórsetiletin qyzmetterdiń qolaılylyǵy týraly áńgimeledi. Qazirgi tańda elimizge she­teldik ınvestorlardy tartý isi basty maqsattyń biri ekeni málim. Bul jóninde Memleket basshysy Úkimetke tıisti tapsyrmalar júktep, ásirese, transulttyq korporasııalardy tartý asa mańyzdy ekenin aıtqan edi. Osy jóninde áńgimelegen komıtet tóraǵasy, búgingi kúnde ınvestısııa tartýdyń kóptegen ıgi sharalary júrgizilip jatqanyna toqtaldy. «Bıylǵy jyl basynan bastap, Astana qalasyndaǵy Halyqqa qyzmet kórsetý ortalyǵynda «Bir tereze» qanatqaqty jobasy iske qosyldy. Investorlar «bir tereze» boıynsha 360-tan astam ruqsat pen lısenzııa alady. Bul ınvestorlar men memlekettik organdar arasyndaǵy tike­leı baılanysty boldyrmaý úshin kerek. Oǵan qosa bıýro­kra­tııalyq jáne ákimshilik keder­gilerdi azaıtý úshin jasalyp otyr. Negizi, elimizde búgin­gi kúnde ınvestorlarǵa qyz­met kórsetetin 19 bólim jumys istep tur. Onyń ekeýi Asta­nada, úsheýi Almatyda, qalǵa­ny oblys ortalyqtarynda orna­lasqan. Endi ınvestorlar óz ýa­qyttaryn únemdeı alady. Eshqandaı memlekettik organǵa barmaı-aq HQO-ǵa kelip, bir jerden barlyq qujattaryn retteı alady. Sondaı-aq, qajet jaǵdaıda konsýltasııa da beriledi», dedi komıtet tóraǵasy. Shara barysynda Qazaqstan men Qytaıdyń kapıtaldandyrý kólemi 2 mlrd. dollar bolatyn «Jibek joly» ınvestısııalyq qorynyń qurylǵany da málim boldy. Bul týraly KAZNEX INVEST kompanııasynyń basqarma tóraǵasy Borısbıı Janǵorazov aıtty. «Qazirgi ýaqytta ınvestısııalardy tartý boıynsha jumystar qarqyndy júrgizilip jatyr. Sonyń ishinde negizgi baǵyttyń biri retinde iri qytaılyq kompanııalarǵa úlken mán berilýde. Osy maq­satta Investısııalar komıteti, KAZNEX INVEST kompa­nııa­sy jáne QHR-daǵy Qazaq­stan elshiligi úlken jumys atqa­ryp jatyr. Bıyl 20-28 qańtar aralyǵynda mınıstr Áset Ise­keshev bastaǵan qazaqstandyq delegasııa Beıjińde boldy. Onda iri kompanııalarmen 20-ǵa jýyq kezdesý ótti. Sóıtip, iri ınvestorlardy elge tartý isi talqylandy. Qazirgi ýaqytta Qazaqstan men Qytaı arasynda ındýstrııalyq-ınvestısııalyq áriptestik baǵdarlamasy iske asyrylyp otyr. Búginde 24 mlrd. dollarǵa 52 jobanyń tizimi bar. Ol baǵdarlamaǵa túrli saladaǵy jobalar engen. Atap aıtqanda, agroónerkásiptik keshen, taý-ken, hımııa óner­kásibi, metallýrgııa, mashına jasaý jáne taǵy basqalar. Baǵdarlamadaǵy áleýeti joǵary jobalar portfeline kelsek, shamamen 19 myń jumys orny ashylady. Baǵdarlama aıasynda transulttyq korporasııalardy tartý jumystary da júrgizilip jatyr», degen basqarma tóraǵasy, osyǵan baılanysty atalǵan jobalardy qarjylandyrýdy jolǵa qoıý úshin birlesken «Jibek joly» qory qurylǵanyn aıtty. Ol Qytaı ortalyq bankiniń bó­limshesi men KAZNEX INVEST kompanııasynyń kelisi­mi negizinde qurylypty. Joba­lardy izdestirý jáne qury­lymdaý boıynsha jumystardy qazaqstandyq KAZNEX INVEST kompanııasy júrgizedi eken. Al qarjylandyrý boıynsha naqty sheshimdi qytaılyq tarap sheshetin kórinedi. Qordyń jalpy kapıtaldandyrylýy 2 mlrd. dollardy quramaq. Nurbaı ELMURATOV, «Egemen Qazaqstan».