Moıyldy «Tolaǵaımen» tolyqty

Oblys ortalyǵyna qarasty aýylda balabaqsha ashý oblys ákimdigi men Eurasian Resources Group S.a.r.l. arasynda bekitilgen ózara yntymaqtastyq týraly memorandýmnyń sheńberinde júzege asty. Buǵan deıin aýyl turǵyndary kishkentaılardy qaladaǵy balabaqshalarǵa aparyp-ákeletin edi. Aýyl qazir qýanyshty. Talaı jyldar kútken balabaqshala­ry ashyldy. Bul aýyldyń áleýmet­tik-turmystyq jaǵdaılary­na áser etti. Birden 60 turǵyn ju­mysqa turdy. Kóńilderi kó­terińki. Balabaqshalary qa­zir­gi zamanǵa saı jarqyrap tur. Ból­melerde sábıler asyr salyp oınap júr. Barlyq jaǵdaı jasalǵan. Bıznestiń áleýmettik jaýapkershiligi osylaısha Elbasy tapsyrmasyna oraı aýylǵa «To­laǵaı» degen balabaqsha syıla­dy. Moıyldy jáı aýyl emes. Ataqty Moıyldy kýror­ty ornalas­qan jer. Oblys ortalyǵynyń ir­ge­sinde ǵana tur, 2 myńdaı hal­qy bar. О́zge ult ókilderimen bir­ge, elge oralǵan kópbalaly aǵaıyndardyń da otbasylary turady. Qýantsań balany qýant. Kish­­­­kentaılardy zaryqtyryp kúttirmeı tegin syılaı ma dep kútti aýyl. Sóıtip, syılyqty El­basy tapsyrmasy boıynsha halyqqa jetkizdi. «Qazaqstan Alıýmınııi» AQ prezıdenti Arman Esenjolovtyń aıtýynsha, bul, bıznestiń áleýmettik jaýapkershiliginiń kórinisi. En­di mundaı ıgilikti ister Aqsý, Eki­bastuz, Pavlodar qalalarynda qolǵa alynbaqshy. Al «Tol­a­ǵaıdy» jekemenshik ıesinen 43 mıl­lıon teńgege satyp alypty. Qazir «Tolaǵaıǵa» 120   búldirshin baryp júr. Oblystyq bilim berý basqarmasynyń málimetinshe, óńirde 38 312 bala balabaqsha­ǵa barady. Oblys ortalyǵynda «Smart Kid», «Lıngva», «Ozırıs» jáne «Samal» syndy jekemen­shik balabaqshalar bar. Sóıtip, «Ba­lapan» baǵdarlamasynyń sha­paǵatymen óńirde sońǵy jyldary 44 balabaqsha jáne 138 shaǵyn ortalyq ashylsa, oblys ortalyǵynda 5 020 kishkentaılar olarǵa barýǵa joldama aldy. Farıda BYQAI, «Egemen Qazaqstan». Pavlodar oblysy. Sýretti túsirgen Valerıı BÝGAEV.