Shymkentte tórt azamatty qaqqan adam 9 jylǵa sottaldy

ShYMKENT. 17 aqpan. Shymkentte kólikti mas kúıinde júrgizip jol shetindegi tórt adamdy qaǵyp óltirgen azamat 9 jylǵa sottaldy dep habarlaıdy «egemen.kz» tilshisi. Shymkenttegi Ál-Farabı aýdandyq sotynda bir otbasynyń qýanyshyn qaıǵyǵa aınaldyrǵan Murat Tánkeevke prokýror osynsha jyl surady. Alaıda, jábirlenýshi tarap toǵyz jylyn qonys kolonııasynda ótkizetin azamattyń alǵan jazasyna kelisip otyrǵan joq. «Biz aıyptalýshyǵa 9 jyl bergenimen kelispeımiz. Iá, Murat Tánkeev sotta óziniń kinásin moıyndady. Biraq, onyń kózinen ózin bir úıden tórt adamnyń ólimine sebepker retinde sezingeni baıqalmady. Endi biz bul úkimge qarsy qaıta shaǵymdanamyz», deıdi jábirlenýshi otbasynyń advokaty Gúljazıra. Myńbaeva. Baqtııar Taıjan. Derek: egemen.kz Sýret: otyrar.kz