QYZYLORDA. 17 aqpan. 2016 jyldyń qańtar aıynda Qyzylorda oblysynyń kásipkerler palatasy bıznes ókilderiniń 70 mıllıon teńgeden astam qarjysyn saqtap qaldy. Bul týraly Qyzylorda oblystyq kásipkerler palatasyna silteme jasaǵan egemen.kz habarlady.
Bir aıda Kásipkerler palatasyna kásipkerlerden 27 ótinish kelip túsken. QR «Ulttyq kásipkerler palatasy týraly» zańynda Ulttyq kásipkerler palatasynyń negizgi qyzmetteriniń biri retinde kásipkerlerdiń zańdy quqyqtary men múddelerin qorǵaý kórsetilgen. Osy rette, túsken ótinishterdiń basym bóligi sotta kásipkerlerdiń múddesin bildirýge qatysty, sot prosesine qajetti qujattardy ázirleýge qatysty bolyp otyr.
Máselen, osy jyldyń ózinde kásipkerlik sýbektileriniń sotta múddesin bildirgen Palata zańgerleri kásipkerlerdiń 12 mıllıon teńgeden astam qarjysyn saqtap qala aldy. Munan ózge, osy sot prosesterine Palata zańgerleriniń tegin qyzmet kórsetýine oraı zańgerge qujat ázirleýge, qorǵaýshylyq qyzmetterge tóleıtin 2 mıllıon teńgeden astam qarjysy da saqtap qala aldy.
Munan ózge, palata zańgerleriniń kelissózder júrgizýi nátıjesinde kásipkerdiń qarjysyn tólemeı otyrǵan qordan 58 mıllıon teńgege jýyq qarjyny jaqyn kúnderi tóletý múmkindigine ıe boldy.
Erjan Baıtiles.
Derek, sýret: egemen.kz