QARAǴANDY. 22 aqpan. Qaraǵandy oblysyndaǵy Buqar jyraý aýdanynyń Ǵabıt Mustafın kentindegi qarttar úıinen órt shyqty. Bul týraly Qazaqstan musylmandan dinı basqarmasynyń Qaraǵandy oblysy boıynsha baspasóz qyzmetine silteme jasaǵan egemen.kz tilshisi habarlady.
Jedel jetken kómektiń arqasynda 22 qarııa órtke oranǵan ǵımarattan aman-esen qutqarylyp, kóp qabatty úılerdiń birine ornalastyrdy. Atalǵan basqarmanyń Qaraǵandy oblysy boıynsha ókil ımamy О́mirzaq qajy Qazkenuly ımamdarǵa Dinı basqarmanyń qaıyrymdylyq baǵyty boıynsha tapsyrma berip, qıyndyqqa tap bolǵan jurttyń jaǵdaıyn bilip, kómek kórsetýdi tapsyrdy.
Qaraǵandy oblystyq ortalyq meshitiniń naıb ımamy Mereı Jaqııauly men Buqar jyraý aýdandyq meshitiniń ımamy Amanbol Rymqululy kentke arnaıy baryp, qarııalardyń hal-jaǵdaıyn bilip, qoldan kelgen kómektiń bárin kórsetti.
Qaırat Ábildınov.
Derek, sýret: Qazaqstan musylmandan dinı basqarmasynyń Qaraǵandy oblysy boıynsha baspasóz qyzmeti.