Bilim-ǵylym-óndiris úshtaǵany úıleskende

Parlament Senatynyń Áleýmettik-mádenı damý jáne ǵylym komıteti Q.I.Sátbaev atyndaǵy Qazaq ulttyq tehnıkalyq zertteý ýnıversıtetinde «Ǵylymnyń ekonomıka salalary men ıntegrasııa­lanýy jáne kadr daıarlaý úderisterinde joǵary oqý oryndarynyń rólin arttyrýdy Qazaqstan Prezıdentiniń Joldaýyn iske asyrý aıasynda quqyqtyq qamtamasyz etýdi jetildirý sharalary týraly» taqyrybyna arnalǵan konferensııa ótkizdi. Konferensııany ashqan Parlament Senatynyń salalyq komıtetiniń tór­aǵasy Aqan Bıjanov elimizde iske asyrylatyn zertteýlerge de, halyqaralyq aýqymdy ǵylymı-zertteý jobalarǵa da qazaqstandyq ǵalymdardyń tolyq ári tıimdi qatysýyn qamtamasyz etý qajettigin atap ótti. Bul rette ǵylymı zertteýlerdiń nátıjelerin engizý úshin tehnologııalardy kommersııalandyrý tetikteri qoldanylýy tıis. Sol úshin zańnamaǵa bilim berý máselelerin jáne derbes bilim berý uıymdarynyń qyzmetin retteıtin túzetýler engizildi, «Ǵylymı jáne (nemese) ǵylymı-tehnıkalyq qyzmet nátıjelerin kommersııalandyrý týraly» Zań qabyldanǵany aıtyldy. Konferensııada negizgi baıandamany Bilim jáne ǵylym mınıstriniń orynbasary Tahır Balyqbaev jasady. Onyń aıtýynsha, elimizdiń ındýstrııalyq-ınnovasııalyq damý jaǵdaıynda ǵylymnyń ekonomıka men mamandar daıarlaý salalaryn yqpaldastyrý úderisterinde joǵary oqý oryndarynyń róli arta túsedi. Mı­nıstrlik bul salada Qazaqstan Res­pýblıkasynyń 2016-2019 jyldarǵa arnalǵan Bilim berý jáne ǵylymdy damytýdyń memlekettik baǵdarlamasy jobasynyń aıasynda sharalardyń tutastaı keshenin ázirleýde. Injener mamandaryn daıarlaýdyń ulttyq júıesin jetildirý, bilim berý úderisteriniń sapasyn arttyrý, oqý-óndiristik ortalyqtary jumy­synyń tıimdiligi men joǵary oqý oryn­darynyń ǵylymı jáne bilim berý qyzmetinde de ilgerileý bar. Kem­shi­likter de joq emes. Bul týraly Q.I.Sátbaev atyndaǵy Qazaq ulttyq tehnı­kalyq zertteý ýnıversıtetiniń prorektory N.Qalabaev, ál-Fara­bı atyndaǵy Qazaq ulttyq ýnıversı­tetiniń rektory Ǵ.Mutanov, A.Baı­tur­synov atyndaǵy Qostanaı memle­ket­tik ýnıversıtetiniń rektory Q.Ýá­lıev, Almaty tehnologııalyq ýnıver­sıte­tiniń rektory T.Qulajanov jáne basqalar keńinen baıandady. Konferensııada ınjener-túlek­ter­diń eńbek naryǵyndaǵy básekege qabilettiligi jáne óndiris pen oqý mekemeleriniń arasyndaǵy áriptestik qatynastaryn jańǵyrtý týraly «Al­maty aýyr mashına jasaý zaýyty» AQ bas dırektory J.Edigenov qyzyqty pikir bildirdi. Konferensııany Senat komıtetiniń tóraǵasy A.Bıjanov qory­tyndylap, basqosýda talqylanǵan kókeıkesti máseleler boıynsha tıisti usynystar qabyldandy. Talǵat SÚIINBAI, «Egemen Qazaqstan». ALMATY.