QARAǴANDY. 15 naýryz. «Qaraǵandy oblystyq sporttyq balyq aýlaý federasııasy» qoǵamdyq birlestiginiń bastamasy boıynsha, oblysta 2016 jyldyń balyq aýlaý maýsymy ashyldy. Bul týraly oblystyq dene shynyqtyrý jáne sport basqarmasynyń baspasóz qyzmetine silteme jasaǵan egemen.kz tilshisi habarlady.
Osyǵan baılanysty Temirtaýdyń janyndaǵy Samarqan sý qoımasynda sporttyq balyq aýlaýdan Qaraǵandy qalasynyń kýbogy úshin týrnır ótti. Buqar jyraý aýdanynan kelgen Aleksandr Malyshkın «Eń iri balyq» nomınasııasy boıynsha jeńimpaz atanyp, qola júldege ıe bolsa, kúmis medal Aleksandr Mıllerge buıyrdy. Al Qaraǵandy qalasy kýbogynyń bas júldesin Aleksandr Bashılov jeńip aldy. Jeńimpaz ben júldegerler baǵaly syılyqtarmen marapattaldy.
Qaırat Ábildınov.
Derek, sýret: Qaraǵandy oblystyq dene shynyqtyrý jáne sport basqarmasynyń baspasóz qyzmeti.