Túsken ótinishter de az emes

Keshe Ortalyq saılaý komıssııasy tóraǵasynyń orynbasary Vladımır Foos buqaralyq aqparat quraldarynyń ókilderine kandıdattardyń, saıası partııalardyń jáne azamattardyń ótinishterin qaraý barysy týraly brıfıng ótkizdi. OSK tóraǵasynyń orynbasary atap ótkendeı, «Qazaqstan Respýblıkasyndaǵy saılaý týraly» Konstıtýsııalyq zań­nyń 49-babyna sáıkes saılaý ko­mı­ssııasynyń jáne onyń múshe­leriniń sheshimderine jáne is-áre­ketterine (áreketsizdigine) sha­ǵymdardy joǵary turǵan komıs­sııa shaǵym túsken kúnnen bas­tap, eger «Saılaý týraly» Zań­da ózgeshe kózdelmese, úsh kún ishinde qaraıdy. Al azamattar men uıymdardyń saılaý zań­na­masynyń buzylǵany týraly ótinishterin saılaý komıssııalary shaǵym túsken kúnnen bastap, eger «Saılaý týraly» Zańda ózge­she kózdelmegen bolsa, bes kún ishinde qaraıdy. «2016 jylǵy 20 qańtar – 14 naý­ryz aralyǵyndaǵy kezeńde Ort­saı­laýkomǵa jeke jáne zańdy tulǵa­lardyń 113 ótinishi kelip tústi, – dedi V.Foos osy máselege qa­tysty. – Túsken ótinishterdiń 29-y (25,7%) Qazaqstan Res­pýblıkasy Parlamenti Máji­lisiniń depýtattaryn saılaý jó­nin­degi saılaý naýqanymen baılanysty. Olardyń ishinde 9-y – qo­ǵamdyq birlestikterden, 11-i – jeke tulǵalardan, 8-i – BAQ-tar­dan, 1-eýi – oblystyq saılaý ko­mıssııasynan». V.Foostyń habardar etýinshe, 10 ótinish saılaý zańnamasynyń jekelegen normalaryn túsindirýge qatysty, 5 ótinish Par­lament depýtattyǵyna daýysqa túsýge nıet bildirýge jáne belgili bir kandıdatty qol­daý nemese partııalyq tizimderge en­gizý týraly, 1 ótinish Qazaqstan halqy Assamb­leıasynan depýtattyqqa kandıdattyń tir­keýin qaıtaryp alý talaby jóninde, 6-sy saılaý komıssııalary men depýtattyqqa kandıdattar týraly aqparat berý jaıynda, taǵy 1-eýi saılaý naýqany kezeńindegi zań buzýshylyqtar týraly aqparat berýge, 3-eýi saılaý úderisine baılanysty emes, ıaǵnı túrli áleýmettik jáne turmystyq máselelerdi sheshýge qatysty. «О́tinish ıelerine jaýaptar berildi. Jeti ótinish qaraý úshin tıisti organdarǵa joldandy, – dedi tóraǵanyń orynbasary ári qaraı. – Kelip túsken 84 (74,3 %) ótinish Qazaqstan Respýblıkasy máslıhattarynyń depýtattaryn saılaý jónindegi saılaý naýqanymen baılanysty. Olardyń ishinde 58 ótinish jeke tulǵalardan, 8 ótinish BAQ-tardan, 1 ót­inish oblystyq máslıhattan, 8-i qoǵamdyq bir­lestikterden, onyń ishinde saıa­sı partııalar­dan, 9 ótinish aýmaqtyq saılaý komıssııalarynan». V.Foostyń aıtýynsha, qalǵan ótinishter saılaý zańnamasyna baılanysty. Mysaly, 27 ótinish saılaý zańnamasynyń jekelegen normalaryn túsindirýge, 10-y saılaý komıssııalary, kandıdattar jáne t.b. týraly aqparat berýge, 4-eýi saılaý­dy ázirleý men ótkizý máseleleri jónin­de usynystarǵa, 1-eýi múmkindigi shekteýli jandarǵa teń qoljetimdilik berýge, 2-eýi áleýmettik, turmystyq jáne basqa problemalarǵa baılanysty saılaýǵa qatysý múmkindiginiń joqtyǵyna, 1-eýi depýtattyqqa kandıdattyń saı­laýaldy úgitti júrgizý tártibin buzǵanyna, 9-y saılaý komıssııalarynyń sheshim­derine jáne is-áreketterine, 2-eýi memlekettik organdardyń, sondaı-aq, olardyń laýazymdy adamdarynyń is-áreketterine, al 11-i depýtattyqqa kandıdatty tirkeýmen kelispeýge baılanysty. «Depýtattyqqa kandıdattardyń jáne olardyń jubaılarynyń tabysy týraly deklarasııadaǵy málimetterdiń durys emestigi jáne máslıhat depýtattyǵyna saılaný quqyǵyn qalpyna keltirý týraly 16 ótinish qaraý úshin tıisti organdarǵa joldandy jáne baqylaýǵa alyndy» – dedi V.Foos. * * * Keshe Ortalyq saılaý komıssııasynyń bas­pa­sóz ortalyǵynda TMD-dan baıqaý­shylar shtaby bas­shysynyń orynbasary Oleg Kýleba da brıfıng ótkizdi. «14 naýryzda shetel baıqaýshylaryn akkredıtteý merzimi aıaqtaldy. Qazaqstan Parlamenti Májilisiniń jáne jergilikti máslıhattardyń depýtattaryn saılaý naý­qanyn qadaǵalaýǵa kelgen TMD baıqaý­shylary mıssııasynyń quramyna 301 adam kirip otyr. Olardyń ishinde Ázerbaıjan, Armenııa, Belarýs, Moldova, Reseı, Tájikstan, Túrikmenstan jáne О́zbekstan elderiniń ókilderi bar. Sonymen qatar, TMD-ǵa qatysýshy memleketterdiń Par­la­mentaralyq Assambleıasynan, UQShU Par­la­ment­aralyq Assambleıasynan, Reseı jáne Belarýs oda­ǵy­n­yń Parlamentaralyq Assambleıasy jáne TMD-niń Atqarýshy komıtetinen keldi», – dedi O.Kýleba. *** Keshe, sondaı-aq, Ortalyq saılaý komıssııasy «Qazaqstan Respýblıkasyndaǵy saılaý týraly» Qazaqstan Respýblıkasynyń 1995 jylǵy 28 qyrkúıektegi Konstı­týsııa­lyq zańynyń 46-babyna sáıkes Qazaqstan Respýblıkasy oblystyq máslıhaty depý­tatynyń omyraýǵa taǵatyn belgisiniń úlgisin, Qazaqstan Respýblıkasy qala­lyq máslıhaty depýtatynyń omyraýǵa taǵa­tyn belgisiniń úlgisin jáne Qazaqstan Res­­pýblıkasy aýdandyq máslıhaty depý­tatynyń omyraýǵa taǵatyn belgisiniń úl­gi­sin belgiledi. Álısultan QULANBAI, «Egemen Qazaqstan». Sýretterdi túsirgen Erlan OMAROV.