«Jasyl» jobalarǵa jol ashyq

Elimizde áleýmettik nysandarda «jasyl» tehnologııalar engizilip jatyr. Endigi ýaqytta bul múmkindikti bıznes barynsha belsendi paıdalanýy tıis. Bul týraly keshe Ortalyq kommýnıkasııalar qyzmetinde ótken baspasóz máslıhatynda aıtyldy. «Jasyl» ekonomıkany qoldaý jáne G-Global-dy damytý koalısııasy basqarmasynyń tóraıymy Saltanat Raqym­bekovanyń aıtýynsha, bú­ginde «jasyl ekonomıkany» damytýǵa halyqaralyq deń­geıdegi uıymdar barynsha qoldaý bildirýde. «Sońǵy 6-7 jylda eli­miz­de BUU-nyń Damý baǵdar­la­masynyń aıasynda kóptegen granttyq jobalar iske asyry­lyp jatyr. Úkimettik emes uıymdar júzege asyryp jat­­qan bul jobalar jaqsy tá­ji­rıbe. «Jasyl» jobalar áleý­mettik sala nysandarynda qol­ǵa alynýda. Búginde energııa únemdeıtin terezeler, ystyq sýmen qamtamasyz etetin kún kollektorlary ornatylǵan mektepter, aýrýhanalar kóp. Elektr ener­gııasyn taratatyn panelder, jylý beretin peshter bar. Osy tehnologııalardy paıdalaný kommýnaldyq qyzmetterdiń tólemaqysyn únem­deýge múmkindik beredi. Osy múm­kindikti bıznes paı­dalanýy tıis», dedi S.Ra­qym­bekova. Onyń aıtýynsha, bıznes-nysandarda qazirgi ýaqytta «jasyl» tehnologııa­lardy engizgen asa tıimdi. «Qańtar aıynda Inves­tı­sııalar jáne damý mı­nıstrligi energııa-servıstik kom­­pa­nııa­lardy damytýdy qol­daıtyn qujat qabyl­da­dy. Bul kom­pa­nııalardyń mindeti ny­san­darǵa energııalyq tıimdi teh­no­logııalardy usyný bolyp tabylady. Bızneske de, áleýmettik nysandarǵa da qo­laı­ly bolý úshin koalısııa Ener­getıka mınıstrligimen bir­lesip, ótken jyldan basta­p Qa­zaq­standaǵy «jasyl» kom­­pa­­nııa­lardyń tizbe­sin júrgi­zedi», dep atap ótti S.Ra­qym­bekova. О́zimiz biletindeı, «Jasyl» ekonomıka boıynsha BUU bas­tamasy 2008 jyly qarjy-eko­nomıkalyq daǵdarysqa jaýap retinde bastaý alyp, BUU Bas hatshysy jáne BUU júıesi bas­shylarynyń Úılestirý keńesi usynǵan toǵyz Birlesken daǵ­darys bastamasynyń biri boldy. Sonymen birge, basqa da birqatar termınder, mysalǵa «jasyl ósim» nemese «ekonomıkany kógaldandyrý» sııaqty ózara almastyratyn termınder retinde paıdalanylyp, keńinen taralǵan. «Jasyl» ekonomıka baǵyty bizdiń elde de qarqyndy qolǵa alynýda. Aıtalyq, «Qa­zaq­stan-2050» strategııasy: qalyptasqan memlekettiń jańa saıası baǵyty» atty Jol­daýynda Elbasy tómen kómir­tekti ekono­mı­kaǵa kóshýdi jedeldetýge, da­mý­dyń «jasyl jolyna» shyǵýǵa sha­qyrǵan bolatyn. Buǵan elimizdegi úkimettik emes uıymdar da barynsha atsalysýda. Osyǵan oraı Qazaqstanda «jasyl» ekonomıka taqyrybynda BAQ arasynda «J­asyl BAQ» atty baıqaý ótpek. Bul týraly da keshegi baspasóz máslıhatynda málim boldy. «Biz buqaralyq aqparat qural­dary arasynda «Jasyl BAQ» atty baıqaý ótkizgimiz keledi. Ol tórt atalymnan: úzdik telesıýjet, úzdik baǵ­darlama, úzdik maqala jáne ınternettegi eń úzdik materıaldan turady. Shamamen jaz aılarynda baıqaýdy jarııa etemiz, keıin forým uıymdastyryp, sonda jeńimpazdardy marapattaımyz», dedi S.Rahymbekova. Onyń sózine qaraǵanda, baıqaý BUU Damý baǵdarlamasymen birlesip uıymdastyrylmaq. «Biz bul jobany BUU Damý baǵ­darlamasymen pysyqtap jatyr­myz. Qazirgi ýaqytta baı­qaý­dyń qarary jasalýda. Keıin mate­rıaldardyń kólemi, konkýrstyq komıssııa quramy, materıaldarǵa qoıylatyn talaptar anyqtalatyn bolady. Osy baıqaý arqyly biz Qazaqstanda «jasyl» jobalar men tehnologııalardyń damýyna qoldaý kórsetkimiz keledi», dedi S.Rahymbekova. Dınara BITIKOVA, «Egemen Qazaqstan».