Almatydaǵy alaý endi elimiz oblystaryna qaraı jol tartpaq

Azıada dodasynyń dúbiri ja­qyndap kele jatqanyn el endi, mine, anyq sezine bastady. Sport dese ishken asyn jerge qoıatyn buqara Olımpıada ataýlynyń bári alaýdyń tutanýymen tusaý­yn kesetinin biledi. Alaıda, Azııa oıyn­darynyń tarıhynda osy shara alaýynyń estafetasy tuńǵysh ret Qazaqstanda uıym­das­tyryl­ǵanyn ekiniń biri bile bermes. Aldyńǵy kúni Ál-Kýveıt qa­la­synda tutanǵan alaý Alataý baýraıyndaǵy Almatyǵa da kelip jetti. Ońtústik astanadaǵy barsha BAQ ókilderi sársenbiniń sátinde Almaty halyqaralyq áýejaıynan osy alaýdy kútip aldy. Azıada alaýy elimizdegi Týrızm jáne sport mınıstri Temirhan Dosmuhambetovke tapsy­rylǵan edi. Ol arnaýly áýe kemesimen jetkizilgen bul amanatty Almaty qa­lasynyń ákimi Ahmetjan Esi­movtiń qolyna ustatty. – Alaý Almatyǵa keldi! Bul óte qýanyshty ári nyshandy oqı­ǵa. Elimizdiń barlyq aımaǵynda ótetin Azıada sherýi dál osy qaladan bastaý alǵaly tur. Ol bir jaǵynan úlken abyroı bolsa, ekinshi jaǵynan úlken jaýapkershilik, – dedi qala ákimi jýrnalısterge bergen suhbatynda. Qala ákimi Azıadaǵa Al­maty­­nyń baryn salyp daıyn­da­lyp jatqanyn, sport keshen­deriniń eskisi jóndelip, jańasy saly­nyp, Qysqy olımpııa oıyn­­dary bastalatyn kúnge saqadaı saı turǵanyn qysqasha baıandap ótti. Osylaısha, saltanatty oqı­ǵa­­lar legi bastalyp ta ketti. Al­matynyń aýa raıy da bul kúni kelisti sharaǵa bolys­qandaı, qań­tar­dyń qaq ortasy bolsa da, jaı­mashýaqtanyp shyǵa keldi. Ha­lyq­aralyq shańǵy tramplıni kesheninde birinshi fakeldi Al­maty qalasynyń ákimi tutatyp, ony orynbasary Serik Seı­dý­manovqa tabystady. Osydan keıin Azıada alaýyn alyp júrýge laıyqty dep tabylǵan 80 adam kezegimen qala­nyń ortalyǵyna qaraı bettedi. 11,7 shaqyrymǵa sozylǵan sherýdiń ón boıynda 30 shaqty kórnekti sport maıtalma­nyn, alaý­dy alyp júrý abyroıy buıyrǵan azamat­tardy, sportqa ǵumyryn arnaǵan jattyqtyrý­shylardy qalalyqtar qolpashpen qarsy alyp otyrdy. Almatydaǵy alaý estafetasy «Astana» alańyna deıin jalǵa­syp, saltanatty sherý úlken konsert pen otshashýlarǵa ulasty. Almatydan keıin alaý Tarazǵa tartatyn bolady. 30 qańtarǵa deıin Azıada alaýy elimizdiń barlyq oblys orta­lyqtarynda tutanyp, 1020 adam ony kezegimen alyp júretin bolady. Mundaı abyroıǵa oblystardan – 60, al Astana qalasynan 100 adam iriktelgen. Aınash ESALI, Sýretterdi túsirgen  Bersinbek SÁRSENOV. Almaty.

Jambyl jerine jetti

Taraz – elimizdegi eń ejelgi tarıhı shahar ǵana emes, sonymen birge, dańq­­ty boksshylar S.Qo­naq­baev, B.Jumadilov, E.Yby­­­raıy­mov, B.Nııazymbetov, M.Má­­zim­­­baev, B.Artaev já­ne ataqty balýandar A.Mu­sa­­­b­ekov, I.Baıramýkov, S.Jar­­­­tybaev sııaq­ty Olım­­­pıada, Azııa oıyn­dary men  álem, Eýropa chempıonat­tarynda top jarǵan taǵy basqa da kóptegen sport­shylardy tár­bıelep ósir­gen qutty besik. Ol, sony­men birge, jaǵrapııa­lyq ja­ǵy­nan Uly Jibek jo­ly­nyń bo­ıyn­daǵy alaý oty lapyl­dap ótetin al­ǵash­qy oblys or­talyq­tary­nyń biri. Son­­dyqtan bolar, VII Qys­qy Azııa oıyn­darynyń alaýy Al­matyny aralap ótken­nen keıin arnaıy ushaqpen birden Jambyl obly­sy­nyń orta­lyǵy – Taraz qala­syna jetkizildi. Keshe saǵat 12:00-de oblys ákimi Qanat Bozymbaev Azıada alaýyn qolyna alyp, Qazaqstan Respýblı­kasynyń Tuńǵysh Prezıdenti saıabaǵynan Tóle bı dań­ǵy­lyna tústi. Jas kezinde sportpen shu­ǵyl­danyp, rıng qupııasyn meńgerý úshin biraz ter tókken oblys basshysyna áýdem jerdi júgirip ótý qazir de qıyn emes. Ol ózine bekitilgen baǵyt boıyn­daǵy qa­shyqtyqty sergek qımyl­men eńse­rip, ejelgi saqtardyń shyraǵdany beınesinde jasalǵan alaýdy kelesi estafetashyǵa ta­bys etti. Kásipqoı bokstan álem chem­pıony Marat Mázimbaev oblys ákiminen alaýdy alǵanda kóshe boıyndaǵy qala turyndary, stýdentter, oqýshylar, mekeme bas­shy­lary men qyzmetkerleri qýa­nyshtan qoldaryndaǵy jalaý­­shalardy bulǵap, jiger janıtyn uranǵa basty. «Alǵa, Qazaqstan!» degen únmen birge aspanǵa atyl­ǵan túrli-tústi qaǵaz fakelder jerge shashý bolyp shashyldy. Úshinshi alaýger E.Aıǵa­lıeva – úlken sporttaǵy dańqty joly endi bastalyp kele jatqan jas. Búginde Almaty qalasynda oqyp, jattyǵý jasap jáne úlken ja­rys­tardan oljaly oralyp júr­gen ol tarazdyq­tardyń úkili úmi­ti. Olımpıada men álem chem­pıonatynyń jeńi­sinen úmitti on segiz jastaǵy sýda júzý sporty­nyń sańlaǵy El­mıra eki júz metr qashyqtyqty eliktiń erke laǵyndaı erkin júgirip ótip, qolyndaǵy alaýdy A.Áshimovke tabystady. Halqyna «Qyz Jibek», «Atamannyń aqy­ry», «Trans­ibir ekspresi» atty tamasha fılmderdegi súıikti qa­har­mandarymen qurmetti ataqty akter de bir kezderi Jambyl obly­synan túlep ushqan bolatyn. Son­dyqtan bolar, onyń alaýdy bir sportshydan alyp, ekinshi sport­shyǵa tabys­taǵan kezin tastúlek­teriniń qanat qaǵysyn baıqap, sát sapar tilep, bata bergen ata qyranǵa teńedik. Alaý alyp júgirý, jalpy, ár elde ár túrli ótedi degenmen, onyń negizgi ózegi ulttyq salt-dástúrge  taban tireıtini belgili. Taraz qalasynyń Jambyl jáne Tóle bı dańǵyldarynyń qıy­ly­syn­da VII Qysqy Azııa oıyndary­nyń alaýy – «Áýlıeata» kókbóri klýby­nyń saıypqyran-shabandoz­dary­­nyń qarýly qolyna tıdi. Bul komanda músheleri elimizdegi eń úzdik kók­parshylardan ekeni belgili. Alaý­dy qolyna nyq ustaǵan kók­par­­shylar kóshbasshysy N.Mo­mynov  bastaǵan saltatty shabandozdar saltanaty estafeta saltanatyna ulttyq reńk berip, sánin asyra tústi. Sondaı-aq, alaýdy kókpar­shy­lardyń qoly­nan túıe balýan, ózi de nar tul­ǵaly sportshy  B. Ystybaevtyń qabyldap alýy ma­ǵynalyq ja­ǵy­nan úılesip turdy. Budan keıin jurt aldy­nan alaý ustap ótý baqytyna ıe bolǵan bapkerler men sport­shy­lar M.Jahıtov, A.Musa­be­kov, E.Smetov, B.Nııa­zym­­be­tov­ke tıdi. Alaý estafetasynyń tús qaı­ta bastalǵan ekinshi kezeńin Sıdneı Olımpıadasynyń kúmis júl­de­geri Islam Baıramýkov jyr aly­by Jambyl Jabaevtyń eskertkishinen bastady. Osy­laısha jal­ǵas­qan estafeta sán-salta­na­ty al­pysynshy, ıaǵnı ob­lystyń eń basty  alaýgeri, ataq­ty boks­shy, Atlanta jáne Sıdneı Olım­pıa­dalarynyń kúmis júldegeri, Hıýstonda (AQSh) ótken álem chempıo­natynyń je­ńim­pazy Bolat Jumadilov syn­dy berenge de jetip, ol qo­lyndaǵy VII Qysqy Azııa oıyn­darynyń alaýyn asyǵa kútip turǵan Oń­tústik Qazaqstan ob­lysy ókil­deri­niń qolyna «Aspanda kún, jer­de Azıada alaýy sónbesin!» degen aq tilekpen tabys etti. Kósemáli SÁTTIBAIULY, Jambyl oblysy.