ASTANA. 28 naýryz. Oral qalasyndaǵy «Shyǵys juldyzy» sulýlyq salonynda betine kosmetıkalyq árleý jasatqan áıel adam qaıtys boldy. Bul týraly tengrinews.kz-ke silteme jasaǵan egemen.kz tilshisi habarlady.
Kosmetıkalyq árleý jasatqan 39 jastaǵy áıel adam jedel járdem kelgenshe jan tapsyrǵan. Qońyraý shalýshy aıaq astynan bir áıeldiń qınala bastaǵanyn baıqap, saǵat 12:25-te jedel járdem shaqyrtady. Oqıǵa bolǵan jerge bes mınýt ishinde, ıaǵnı 12:30-da dárigerler kelgende denesinen jany shyǵyp ketken.
Belgili bolǵandaı, áıel adamnyń jaǵdaıy nasharlamaı turyp, eki betine ıneksııa jasalǵan. Qazirgi tańda Batys Qazaqstan oblysy ishki ister departamentiniń jedel toby mamandardyń qandaı dárini qoldanǵanyn jáne onyń ne sebepti keri áser etkenin anyqtaýda.
Aıan Ábdýálı.
Derek: tengrinews.kz.
Foto: perfectionspa.ru.