Baǵdarlamalar oryndalýymen tıimdi

Keshe Aqordada Memlekettik hatshy Gúlshara Ábdiqalyqovanyń tóraıymdy­ǵy­men Prezıdent janyndaǵy Sybaılas jem­qorlyqqa qarsy kúres máseleleri jónindegi komıssııanyń otyrysy ótti.  Onda eki másele qaraldy. Onyń biri «О́ńirlerdi damy­tý­dyń 2020 jylǵa deıingi baǵ­darlamasyna» arnalsa, al ekinshi máselede «Ag­ro­bıznes-2020» agroónerkásip keshenin damytý jónindegi 2013-2020 jyldarǵa arnalǵan baǵ­darlamany» iske asyrý barysy jáne zańdylyqty saqtaý men tıimdilikti barynsha arttyrý jaǵy talqyǵa salyndy. G.Áb­di­qalyqova kún tártibindegi máse­lelerdi talqylaý aldynda El­basy Parlamenttiń jańa sessııasyn ashardaǵy sózinde bıýdjettik baǵdarlamalarǵa qatań baqylaý jasaý jáne onyń oryndalýyn qadaǵalaý boıynsha naqty tapsyrmalar bergendigin eske saldy. Keltirilgen málimetterge qa­ra­ǵanda, óńirlerdi damytý baǵ­dar­lamasyna tek 2015 jyldyń ózinde res­pýb­lıkalyq jáne jergilikti bıýdjet­terden 385 mıllıard teńge bólin­gen. Al agrobıznesti qoldaý baǵdar­lamasyna 337 mıllıard teńge jum­salypty. Jalpy, bul baǵdar­lamalarǵa bólingen qomaqty qarajat turǵyndardyń áleýmettik jaǵdaıyn jaqsartýǵa baǵyttalǵany belgili. Baǵdarlamalardyń ha­lyq­tyń tynys-tirshiligi úshin qolaı­ly jaǵdaılar jasaýǵa arnalǵan­dyǵyna ekpin túsirgen Memle­kettik hatshy onyń áleýmettik máse­lelerdi sheshýge, aýyz sýmen qamtamasyz etýge, qazaqstan­dyq ónimniń básekege qabiletti­ligin arttyrýǵa jáne aýyl sharýa­shylyǵyn qarjylyq saýyqtyrýǵa baǵyttalǵanyn erekshe atap ótti. Sondyqtan da Memleket bas­shy­synyń tapsyrmasyna oraı orta­lyqta da, sondaı-aq jergilikti jerlerde de baǵdarlamanyń ere­je­lerin der kezinde ári tıimdi oryn­daý mańyzdy. Aıta ketý kerek, Sybaılas jemqor­lyqqa qarsy kúres má­se­leleri jónindegi komıssııa jumysyna beıne-selektor re­jiminde oblystardyń, Astana men Almaty qalalarynyń ákim­deri jáne óńirlik sybaılas jemqorlyqqa qarsy kúres komıs­sııalarynyń músheleri qatys­ty. Otyrys barysynda, son­daı-aq, Bas prokýror Ashat Daýyl­baev, Aýyl sharýashylyǵy mınıstri Asyljan Mamyt­bekov, Ulttyq ekonomıka vıse-mınıstri Qaıyrbek О́sken­baev baıandama jasady. Jal­py quqyq qorǵaý jáne baqy­laý­shy organdar О́ńirlerdi damy­týdyń 2020 jylǵa deıingi jáne «Agrobıznes-2020» agroóner­kásip keshenin damytý jónin­degi 2013-2020 jyldarǵa arnal­ǵan baǵdarlamalaryn iske asy­rý kezinde jol berilgen zań bu­zý­shylyqtar, bıýdjet qarajatyn tıimsiz paıdalaný men oryn­syz ysyrap etý faktilerin anyq­tap otyrǵandyǵy da atalmaı qalmady. Bul oraıda, kóp­tegen quqyq buzýshylyqtar mem­le­ket­tik satyp alý rásimderin ótkizý­men baılanysty ekendigin aıta ket­ken jón. Sybaılas jemqorlyq quqyq buzýshylyqtar jasaýǵa yqpal ete­tin sebepter men jaǵdaılardy joıý úshin Komıssııa tarapynan Ult­tyq ekonomıka jáne Aýyl sharýashylyǵy mı­nıstr­­lik­terine, kvazımemleket­tik sek­tor sýbekti­­­leri­ne, jer­gi­likti atqarýshy or­gan­­­­darǵa sybaı­las jemqorlyq táýe­­­kel­derine ishki taldaý júrgizý usy­nyldy. Baǵ­­dar­la­malardy iske asy­rý ba­rysyn­­daǵy ashyqtyqty jáne obek­tıvtilikti baryn­sha qam­tamasyz etý úshin mem­le­kettik baǵ­­darlamalardyń oryn­dalý barysy men sapasy­na monıtorıng júrgizý úshin qoǵamdyq keńesterdiń ókil­derin belsendi túrde tartý qajet­tigi qoshtaldy. Otyrysty qory­tyn­dy­laı kele, Memlekettik hat­­shy G.Ábdi­­qalyqova jańa­dan qa­byl­danǵan «Sybaılas jem­qor­lyqqa qarsy is-qımyl týraly» zańǵa sáıkes sybaılas jem­qorlyqqa qarsy monıtorıngti ýaq­tyly ótkizýdiń qajettigin qa­dap aıtty. Bul, óz kezeginde, zań buzýshylyqtardyń aldyn alýǵa múmkindik beredi. Budan basqa, Komıssııa otyrys qorytyndysy boıynsha mem­le­kettik organdarǵa naqty usy­nym­dar men tapsyrmalar berdi. Asqar TURAPBAIULY, «Egemen Qazaqstan».