arǵy bette erekshe baǵalanady eken
Shekaradan nebir qundy, baǵaly ári sırek kezdesetin zattardy zańsyz jolmen ótkizýge qumar jandar óte kóp kezdesedi. Olardyń zańsyz áreketine tosqaýyl qoıyp kele jatqan tek qyraǵy shekarashylar ǵana. Máselen, qazaq-qytaı shekarasy boıynda ornalasqan «Qorǵas» shekaralyq baqylaý-ótkizý beketiniń shekara narıady qasqyrdyń, aıýdyń azý tisterin, aıýdyń tyrnaqtaryn alyp ótýge árekettengen qazaqstandyq azamatty ustaýǵa májbúr boldy.
Atap aıtqanda, atalǵan azamattyń sómkesinen shekaralyq baqylaý jasaý kezinde qasqyrdyń 10 dana, aıýdyń 39 dana azý tisteri tabyldy. Odan ári taǵy da muqııat qaraǵan kezde, sómkeden aıýdyń 10 dana tyrnaǵy da shyǵa keldi.
Ustaý deregi boıynsha materıaldar tıisti oryndarǵa berildi, dep habarlady UQK ShQ baspasóz qyzmeti.