2016 jyldyń 1 sáýirinen bastap Astana, Almaty, Shymkent jáne Aqtóbe qalalarynyń turǵyndary úshin jeke kýálik pen tólqujatty jedel daıyndap berý ýaqyty nebári eki jumys kúnin alady.
– Bıyl Aqtóbede ashylǵan qosymsha ortalyqtyń arqasynda basty qujattardy berý merzimi eki kúnge qysqardy. Sondaı-aq, elimizdegi tórt qalada da jeke kýálik alý merzimi eki kún bolady, – dedi Ishki ister mınıstriniń orynbasary Erlan Turǵynbaev.
Aıta keteıik, buǵan deıin tólqujat pen jeke kýálik alý Shymkent qalasynyń halqy úshin 15 kúnge sozylatyn. Endi jarty aı boıy atalǵan qujatty kútetin turǵyndar úshin bul basty jańalyq bolyp otyr.
Buǵan deıin qujat daıyndaý ortalyqtary Astana men Almatyda ǵana bolǵan. Sol sebepti qujattardy daıyndaý uzaqqa sozylyp ketetin. Osy sebepti Shymkent pen Aqtóbede jeke kýálik berý ýaqytyn qysqartý úshin jańa ortalyqtar ashyldy.
Aıan ÁBDÝÁLI,
«Egemen Qazaqstan».