ASTANA. 31 naýryz. AQSh prezıdenti Barak Obama óziniń Ýkraınany qoldaıtynyn ashyq bildirmeý úshin Petr Poroshenkomen kezdesýdi qajet emes dep tapty. Bul týraly ras.kz-ke silteme jasaǵan egemen.kz tilshisi habarlady.
Ýkraına prezıdenti Petr Poroshenko AQSh-qa jumys sapary barysynda Aq úı qojaıynyń ózimen kezdeskisi kelmeýine baılanysty onymen áńgimelesý qurmetin ala almaıtyn boldy. Muny Ýkraına syrtqy ister mınıstri Vadım Prıstaıko ókinishpen jetkizdi. «Eki prezıdenttiń bul kezdesýi Ýkraınaǵa Reseımen teketiresip turǵan kezde qoldaý kórsetkendeı bolar edi», – degen ókinish bildiredi ol.
Ýkraına prezıdenti Petr Poroshenko munda 1-2 sáýir aralyǵynda Vashıngtonda ótetin ıadrolyq qaýipsizdik jónindegi halyqaralyq sammıtke qatysý úshin kelýdi josparlastyryp otyr. Jumys sapary kezinde ýkraın lıderi AQSh vıe-prezıdenti Djo Baıdenmen, BUU bas hatshysy Pan Gı Mýnmen, Nıderland premer-mınıstri Mark Rıýttemen, Polsha prezıdenti Andjeı Dýdamen jáne Argentına prezıdenti Maýrısıo Makrımen kezdesedi.
Alaıda, Ýkraına jaǵynyń josparlastyryp qoıǵandaryna qaramastan, AQSh prezıdenti Barak Obamanyń kezdesýden bas tartýy Kıevtiń eńsesin túsirip jiberip otyr. Ýkraına jaǵyn sondaı-aq, Germanııa kansleri Angela Merkeldiń birazdan beri qandaı bir usynys aıtylǵanyna qaramastan, Poroshenkomen de, Iаsenıýkpen de kezdesýden bas tartyp kele jatqany qatty mazasyzdandyryp júr.
Aıta ketý kerek, Barak Obama munyń aldynda Túrkııa prezıdenti Redjep Taııp Erdoǵanmen kezdesýden de bas tartqan bolatyn.
Talǵat Raıymbek.
Derek: ras.kz.
Foto: 112.ua.