ASTANA. 31 naýryz. О́zbekstanda Gúlnar Karımovanyń isi boıynsha «qatyrylyp qoıylǵan» aqshalardy dramatýrgterge qaıtaryp berý jóninde sheshim qabyldandy. Bul týraly ras.kz-ke silteme jasaǵan egemen.kz tilshisi habarlady.
«О́zbekstannyń birqatar dramatýrgteri bas prokýratýranyń talabymen О́zbekstanda kóterilgen prezıdenttiń úlken qyzy Gúlnar Karımovaǵa qatysty qylmystyq is sheńberinde «avtorlar men oryndaýshylar gıldııasynda» «qatyrylyp tastalǵan» qalamaqylaryn alatyn boldy», – delingen habarlamada.
«Ozodlık» («Azattyqtyń» ózbek redaksııasy) mánbesiniń aıtýyna qaraǵanda, О́zbekstan mádenıet jáne sport mınıstrligi, О́zbekstan ulttyq teatry osy qalamaqylar jónindegi qaryzdaryn tólep te úlgergen. Al Mýqımı atyndaǵy teatr qaryzdaryn qaıtarýdy sáýirdiń basynan bastaıdy.
О́tken aıda 70 jastaǵy dramatýrg Isfandııar (Iskandar Kımsanovıch Matkarımov) eldiń basshysyna ashyq hat jazyp, óziniń О́zbekstan teatrlarynda qoıylǵan dramatýrgııalyq týyndylary úshin qalamaqysyn áli ala almaı júrgenin shaǵynǵan edi.
Eske sala keteıik, ótken jylǵy qyrkúıekte dramatýrg Isfandııar «О́zbekteatr» shyǵarmashylyq óndiristik birlestiginiń jetekshisimen kezdesý kezinde avtorlar qalamaqylaryn «qatyryp tastaý» týrasynda taǵy sóz qozǵady. Dramatýrgtiń aıtýynsha, ol úsh jyldan beri óziniń qalamqasyn ala almaı kele jatqan.
Habarlanǵandaı, dramatýrgter qalamaqylary bas prokýratýranyń tapsyrmasy boıynsha berilmeı qoıǵan.
«Gúlnar Karımova men oǵan jaqyn júrgenderge qatysty qozǵalǵan qylmystyq istiń sheńberinde О́zbekstan bas prokýratýrasy men ádilet mınıstrligi gıldııanyń esepshotyn jaýyp tastaǵan. Bul esepshottarda ózbek dramatýrgteriniń, sonyń ishinde Matkarımovtiń alashaq aqshalary bolǵan. Gıldııa eki jyl buryn jabyldy. Qylmystyq is aıaqtaldy. Gıldııanyń esepshotynda qalǵan aqshalar qarjy mınıstrliginiń qaraýyna jiberildi. Qazir sol aqshalar «О́zbekteatr» birlestigine qaıtarylyp, qalamaqy tólene bastady», – dedi mánbe.
Talǵat Raıymbek.
Derek: ras.kz.
Foto: kapital.kz.