О́zekti qujat

Joǵarǵy Sottyń jalpy otyrysynda sottardyń bala asyrap alý týraly zańnamany qoldaný praktıkasy talqylandy Joǵarǵy Sot Tóraǵasy Qaırat Mámı kezekti jalpy otyrys ótkizdi. Is-sharaǵa Joǵarǵy Sottyń sot alqa­larynyń tóraǵalary men sýdıalary, Ǵylymı-kon­sýltatıvtik keńes músheleri, Konstıtýsııalyq Keńestiń, Bas prokýratýranyń, Ádilet mınıstrliginiń, sondaı-aq, Bilim jáne ǵylym mınıstrliginiń ókilderi qatysty. Jalpy otyrystyń kún tár­ti­binde «Sottardyń bala asyrap alý týraly zańnamany qoldaný praktıkasy týraly» Joǵarǵy Sottyń normatıvtik qaýlysynyń jobasy men Sot jıýrıiniń reglamentin bekitý týraly eki másele qaraldy. Joǵarǵy Sot Tóraǵasy nor­ma­tıvtik qaýlynyń jobasyna toqtala kele, sottardyń bala asyrap alý týraly zańnamany qoldaný praktıkasy týraly másele óte mańyzdy ári ózekti bolyp tabylatyndyǵyn atap ótti. Ol Qazaqstanda balalardyń qu­qyqtary men múddelerin qor­ǵaý boıynsha quqyqtyq jáne uıym­­das­tyrýshylyq myzǵy­mas ba­za qurylǵanyn, osy máse­lege qa­tysty, sonyń ishinde ba­la asy­rap alý boıynsha halyq­­ara­lyq negizgi aktilerdiń ratı­fı­ka­sııa­lanǵandyǵyn aıtty. «Qazaqstan-2050» Strate­gııa­synda ana men balany qorǵaý mem­le­ketimizdiń áleýmettik saıasaty­nyń mańyzdy quramdas bóligi re­tinde belgilengen. «Prezı­dent básekege qabiletti bolashaq ult­ty qalyptastyrý másele­lerine aıryq­sha nazar aýdaryp keledi. Elba­synyń О́kimimen elimiz­diń tarı­hynda tuńǵysh ret Bala qu­qyq­tary jónindegi ýákil taǵaıyndaldy», – dedi Joǵarǵy Sot Tóraǵasy. Q.Mámı talqylanyp otyrǵan nor­matıvtik qaýlynyń jobasy der kezinde ázirlengen ári ózekti qu­jat ekendigin atap ótti. Onyń piki­rinshe, qujat ata-ananyń asyraýyna beriletin balalardyń quqyqtary men múddelerin sotta qorǵaý úshin mańyzdy quralǵa aı­na­lyp, sýdıalarǵa osy saladaǵy jan-jaqty túıitkildi máseleler boıynsha durys sheshim qabyldaýǵa kómektesedi. «Sottardyń bala asyrap alý týraly zańnamany qoldaný praktıkasy týraly» Joǵarǵy Sottyń normatıvtik qaýlysynyń jobasyn tanystyra kele, Joǵarǵy Sot sýdıasy Ǵalııa Aqqýova soń­ǵy jyldary qazaqstandyqtar asy­rap alǵan balalardyń sany aıtar­lyq­taı artyp, kerisinshe, shetel­dik­terdiń bala asyrap alý qar­qyny báseń­degendigin atap ótti. «Basynan túrli oqıǵalar keshken balanyń taǵdyry sheshiletin sátte, bala asyrap alý sekildi óte shetin máselede sottyń sońǵy she­shim qabyldaýy olardan is boıynsha barlyq mán-jaıdy muqııat zert­teýdi talap etetini sózsiz», – dedi Ǵ.Aqqýova. Ol isterdiń atalǵan sana­ty ıývenaldyq sottardyń sot­ty­lyǵyna jatatynyn jáne qazirgi tańda bul baǵytta belgili bir sot prak­tıkasy qalyptasqandyǵyn atap ótti. Normatıvtik qaýlyny qabyl­daýǵa zańnamaǵa engizilgen ózge­rister yqpal etti. Onyń jobasy bala asyrap alý boıynsha nor­matıvtik bazany qamtıdy, bala asyrap alý týraly ótinish berýdiń tártibin, bala asyrap alý rásimin bastaýǵa quzyrly organnyń jazbasha kelisim usyný jáne bala asyrap alý týraly ótinish berý barysynda memlekettik baj salyǵyn tóleý tártibin túsindiredi. Jobany talqylaý barysynda Joǵarǵy Sot sýdıasy Sara Jarmuhambetova, Astana qalalyq kámeletke tolmaǵandar isteri jónindegi mamandandyrylǵan aýdanaralyq sotynyń tóraıymy  Ná­­zılıa Razzaq jáne Bilim jáne ǵy­lym mınıstrliginiń Bala quqyq­taryn qorǵaý komıtetiniń tóraıymy Zábıra Orazalıeva sóz sóıledi. Sot jıýrıiniń reglamentin bekitý týraly ekinshi másele boıyn­sha sóz sóılegen Joǵarǵy Sot sýdıasy, Sot jıýrıiniń tóraǵa­sy Morıak Shegenov bul reglament atalǵan ınstıtýt pen onyń komıs­sııalarynyń jumysyn uıymdas­tyrýdy kózdeıtin mańyzdy nor­matıvtik qujat bolyp tabyla­tyn­dyǵyn atap ótti. Jalpy otyrysqa qaty­sýshylar normatıvtik qaýly jobasyn tal­qylaı kele, oǵan óz usy­nystary men eskertýlerin engizdi, sondaı-aq, Sot jıýrıiniń regla­mentin bekitýge daýys berdi. «Egemen-aqparat».