Bizdiń Erjan – máslıhat depýtaty

«Egemen Qa­zaq­stan» gazetiniń ár oblysta men­shikti tilshisi bar. Olar sol aımaqtyń tynys-tirshi­ligin basylym betinde jarııalap, tutas elge habarlap otyrady. Men­shikti til­shiler qosynyna qosylǵannan bas­tap ózindik oıymen, jazý órnegimen kózge tús­ken árip­tesimizdiń biri – Erjan Baıtiles. Ár­bir maqalasyn eldik, memlekettik turǵydan oılap jazatyn tilshimiz bıylǵy máslıhat saılaýyna tústi. Saıası dodada baǵy janyp, Qyzylorda qalalyq máslıhatynyń depýtaty atandy. Quttyqtaımyz! Bul – Erjannyń ǵana emes, «Egemen Qazaqstan» gazetiniń de jeńisi dep bilemiz. Basylymnyń el al­dyndaǵy bedeli men abyroıy menshikti tilshimizdiń bá­sekede mereıi ústem bolýyna óz septigin tıgizdi ǵoı degen oıdamyz. Boıynda jastyq jigeri bar, árbir máselege ja­nashyrlyqpen qa­raıtyn tilshimiz jýrnalıstıkamen qatar, el isine aralasýǵa bel baılaǵanyn qýana qup­tadyq. Olaı bolsa, Erjannyń alda atqarar aýqym­dy jumysyna sáttilik tileı­miz! Egemenqazaqstandyqtar.