«Aqbóbek»

– jas talanttardy talpyndyrǵan baıqaý «Aqbóbek» balalar or­talyǵynda osy attas kom­panııanyń uıymdas­tyrýy­men bıyl «Aqbóbek – III» respýblıkalyq balalar shyǵarmashylyǵy baıqaýy ótkizildi. Qazaqstan Respýb­lıkasynyń 25 jyldyǵyna arnalǵan bul baıqaýda Astana qalasynan, Qyzyl­orda, Aty­raý, Mańǵystaý, Batys Qazaqstan jáne Aqtó­be oblys­tarynan daryndy balalar baq synady. 985 bala qatysyp, úsh kúnge sozylǵan baıqaý vokal, mýzykalyq aspaptarda oınaý, horeografııa, shyǵarma jazý, mánerlep oqý jáne sýret salý nomınasııalary boıynsha, jas erekshelikterine qaraı úsh topta ótkizildi. Baıqaý negizinen «Aqbóbek» respýblıkalyq balalar gazetiniń oqyrmandary arasynda uıymdastyryldy. «Shyǵarma» nomınasııasy boıynsha bas júldege kishi top boıynsha Aqtóbe oblysy Temir aýdany Keńestý orta mektebiniń 3-synyp oqýshysy Aqdáýlet Kóshkinbaev, orta top boıynsha Shalqar aýdany №1 mektep-gımnazııa oqýshysy Jansáýle Qa­natova, joǵary top boıynsha Temir aýdanyndaǵy Abaı atyndaǵy orta mekteptiń 8-synyp oqýshysy Albına Arǵynbaı ıe boldy. «Sýret» nomınasııasyn­da júldeli 1-oryndy kishi top boıynsha Aqtóbe qala­syndaǵy №45 orta mek­teptiń oqýshysy Ádiljan Bashımov, orta top boıynsha №3 orta mekteptiń oqýshysy Ádilhan Dýlat, joǵary top boıynsha Qarǵaly óner mektebiniń oqýshysy Aqdana Baqytqalıeva jeńip aldy. «Horeografııa» nomına­sııasy boıynsha bas júlde Aqtaý qalasynan kelgen Aıaý­lym Qanatqalıǵa jáne Aqtóbe qalasynyń «Mega-Stars» halyqtyq bı ansambline berildi. Dombyradan bas júldeni Atyraý oblysynan kelgen Madııar Jasanbaev, qobyzdan aqtóbelik Aıkún Shanova, baıan, akkordeon­nan aqtóbelik Kamıl Ab­dýl­zalıev, fortepıanodan Anas­tasııa Kırıchenko, fleıtadan bas júldeni aqtó­belik Dıana Dáýitova oljalady. Mánerlep oqýdan bas júl­deni atyraýlyq Ádııa Nurı­den, dástúrli ánnen aty­raý­lyq Áselhan Belgi jeńip aldy. О́z tobynda bıden bas júldege ıe bolǵan taǵy bir atyraýlyq oqýshy Araılym Moldasheva «Aqqý» bıin ádemi bılep shyqqanyn jetkizdi. Atyraý qalasyndaǵy aǵyl­shyn tilin tereńdetip oqy­tatyn tehnıkalyq gımna­zııanyń besinshi synybynda oqıtyn Araılym bolashaqta dáriger bolǵysy keletinin jasyrmady, biraq, ónerdi janyna serik etetinin aıtty. Ol bı bıleýmen birge dom­byrada da jaqsy oınaıdy eken. Osy baıqaýǵa qatysqan ár balanyń boıy­nan osyndaı ónerge degen qyzyǵýshylyqty ańǵarýǵa bolady. Muny baıqaýdy uıym­dastyrýshylar da atap ótti. Baıqaý barysynda «Aqbó­bek» respýblıkalyq gazetine jazylýshylar arasynda uıymdastyrylǵan utys oıyny qorytyndylandy.Baıqaý jeńimpazdary men júldegerlerine «Aqbóbek» kompanııasy daıyndaǵan dıplomdar men eskertkish syılyqtar tapsyryldy. Satybaldy SÁÝIRBAI, «Egemen Qazaqstan». Aqtóbe oblysy.