ASTANA. 1 sáýir. Elbasy Germanııa Federaldyq kansleri Angela Merkelge burynǵy vıse-kansler, syrtqy ister mınıstri Gans-Dıtrıh Gensherdiń qaıtys bolýyna baılanysty kóńil aıtý jedelhatyn joldady. Bul týraly akorda.kz habarlady.
Jedelhatta memleket qaıratkeri Gans-Dıtrıh Gensherdiń búkil ómirin Germanııa halqynyń birligi jolyna arnaǵany atap ótilgen.
«Qazaqstan halqy Gans-Dıtrıh Gensherdiń ekijaqty dostyq qarym-qatynastardy ornatýǵa jáne nyǵaıtýǵa zor úles qosqan iri tarıhı tulǵa retinde árdaıym este saqtaıtyn bolady», – delingen jedelhatta.
Sońynda Nursultan Nazarbaev Gans-Dıtrıh Gensherdiń otbasy múshelerine, búkil Germanııa halqyna jeke óziniń jáne Qazaqstan halqynyń atynan kóńil aıtty.
Aıan Ábdýálı.
Derek, foto: akorda.kz.