Qazaqstan Respýblıkasynyń Syrtqy ister mınıstrligi Taýly Qarabaqqa qatysty jaǵdaıdy muqııat baqylaýda.
Janjal aýmaǵynda oq atýdy toqtatý tártibiniń buzylýyna jáne adamdardyń qaza bolýyna qatty alańdaýshylyq bildiremiz.
Taraptardy ustamdylyq tanytýǵa jáne oq atýdy toqtatý týraly ýaǵdalastyqtardy qatań ustanýǵa shaqyramyz.
Eýropadaǵy qaýipsizdik jáne yntymaqtastyq uıymynyń Taýly Qarabaq máselesin retteý boıynsha Mınsk tobynyń kúsh-jigerin qoldaı otyra, janjaldy tek qana beıbit jolmen sheshý qajettiligi jóninde ustanymymyzdy qaıta rastaımyz.
Qazaqstan Respýblıkasy Taýly Qarabaq máselesiniń pátýalyq sheshimderin izdeý úderisin jandandyra túsýdi jaqtaıdy jáne janjaldy retteýde ilgeri jyljý úshin múddeli taraptardyń syndarly kózqaras tanytatynyna senim artady.