QARAǴANDY. 4 sáýir. Kásipqoı boksta orta salmaqtaǵy álem chempıony Gennadıı Golovkın (34-0, 31 KO) men Domınık Ýeıd (18-0, 12 KO) arasyndaǵy jekpe-jekti qazaqstandyq jankúıerler teledıdardan kóre almaýy múmkin. Bul týraly vesti.kz-ke silteme jasaǵan egemen.kz tilshisi habarlady.
Golovkınniń jekpe-jekterin bizdiń elde turaqty túrde kórsetip kelgen «Qazaqstan» ulttyq arnasy bul másele týrasynda ázirge basyn ashyp eshnárse aıtpady. Tek kompanııanyń baspasóz qyzmeti «aǵymdaǵy ýaqytta jekpe-jek translıasııasy jóninde esh jańalyq joq» degen habarlama taratty.
Sondaı-aq, «Habar» jáne «OŃ-TV» arnalary jekpe-jekke qyzyǵýshylyq tanytqanymen, belgili sebeptermen onyń translıasııasyn kórsete almaıtyndyqtaryn jetkizdi.
Aıta keteıik, Gennadıı Golovkın men Domınık Ýeıd arasyndaǵy jekpe-jek AQSh-tyń Los-Andjeles qalasynda 23 sáýir kúni ótedi (Astana ýaqyty boıynsha, 24 sáýirdiń tańerteńgilik mezgili).
Qaırat Ábildınov.
Derek, foto: vesti.kz.