ASTANA: 7 sáýir. Búgin «Qaırat» fýtbol klýbynyń jańa bas jattyqtyrýshysy bolyp belgili grýzııalyq maman Kahaber Shadadze taǵaıyndaldy. Bul týraly klýbtyń baspasóz qyzmetine silteme jasaǵan egemen.kz tilshisi habarlady.
Kahaber Shadadzeni ótken ǵasyrdyń 80-90-shy jyldary fýtboldy tamashalaǵan jankúıerler jaqsy biledi. Ol aldymen Tbılısıdiń «Dınamo» komandasynda, odan keıin Germanııanyń «Aıntraht», Anglııanyń «Manchester Sıtı», Máskeýdiń «Dınamo» men «Spartak» klýbtarynda oınaǵan. Sonymen birge ol TMD quramasynda jasyl alańǵa shyǵyp, keıin biraz jyl Grýzııa ulttyq qurama komandasynda óner kórsetken.
Jattyqtyrýshylyq qyzmetin 2001 jyly bastaǵan. Sol kezde Grýzııanyń «Lokomotıv» komandasyn jattyqtyrǵan. Osy qyzmetten keıin Kahaber Shadadze «Sıonı», Bakýdyń «Standart» jáne «Inter» klýbtarynda jumys istegen. Bıylǵy jylǵa deıin Grýzııanyń ulttyq qurama komandasyn jattyqtyrdy. Jattyqtyrýshy retinde ol eki ret Grýzııanyń, bir ret Ázerbaıjannyń chempıonatyn jeńip aldy.
Dastan Kenjalın.
Derek, foto: fckairat.kz