AQTО́BE. 8 sáýir. Oblysqa eki kúndik saparmen kelgen Qazaqstan Respýblıkasynyń Halyq qaharmany Aıdyn Aıymbetov Talǵat Bıgeldınov atyndaǵy áýe qarýly kúshteri áskerı ınstıtýtynda, fızıka-matematıka baǵytyndaǵy Nazarbaev zııatkerlik mektebinde bolyp, oqyp jatqan jastarmen birneshe kezdesý uıymdastyrdy. Bul týraly egemen.kz tilshisi habarlady.
Sonymen birge ushqysh -ǵaryshker Alǵa aýdanynyń jastarymen de kezdesti. Nazarbaev zııatkerlik mektebinde qurmetti qonaqqa oqý bólmelerine ekskýrsııa uıymdastyryldy, ony shyǵarmashylyq jáne ǵylymı-zertteý jumystar kórmesimen tanystyrdy.
Ushqysh-ǵaryshkerdi segizinshi synyp oqýshysy Lázzat Danaeva ázirlegen elektromagnıtti tolqynnyń kómegimen ǵarysh apparattaryn ushyrý jónindegi jobalar qyzyqtyrdy. Mektep oqýshysynyń aıtýynsha, mundaı tehnologııalardyń bolashaǵy zor, elektromagnıtti tolqyndarǵa qatysty jobalar ekonomıkalyq turǵydan ǵana tıimdi emes, sonymen qatar ekologııalyq jaǵynan qaýipsiz. Nazarbaev zııatkerlik mektebiniń oqýshylarynyń ǵylymı jobalarymen tanysqan Aıdyn Aıymbetov olardyń bilimi men oqýǵa degen qulshynysyna rızashylyǵyn bildirdi. Nazarbaev zııatkerlik mektebinen keıin Aıdyn Aıymbetov adam balasynyń ǵaryshty baǵyndyrýyna 55 jyl tolýyna oraı uıymdastyrylǵan Ǵarysh aptalyǵynyń ashylý saltanatyna qatysty. Shara T.Ahtanov atyndaǵy oblystyq drama teatrynda ótti.
Satybaldy Sáýirbaı.
Derek: egemen.kz
Sýret: Haıreden Raýshanov.