Qazaqstan Respýblıkasy Úkimetiniń qaýlysy №1454

2010 jylǵy 30 jeltoqsan, Astana, Úkimet Úıi Tehnogendik mıneraldyq túzilimderdiń memlekettik kadastryn júrgizý qaǵıdasyn bekitý týraly «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańynyń 16-babynyń 53) tarmaqshasyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan Tehnogendik mıneraldyq túzilimderdiń memlekettik kadastryn júrgizý qaǵıdasy bekitilsin. 2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi. Qazaqstan Respýblıkasynyń Premer-Mınıstri     K.MÁSIMOV. Qazaqstan Respýblıkasy Úkimetiniń 2010 jylǵy 30 jeltoqsandaǵy №1454 qaýlysymen bekitilgen Tehnogendik mıneraldyq túzilimderdiń memlekettik kadastryn júrgizý qaǵıdasy 1. Jalpy erejeler 1. «Jer qoınaýy jáne jer qoınaýyn paıdalaný týraly» Qazaqstan Respýblıkasy Zańynyń 16-babynyń 53) tarmaqshasyna sáıkes ázirlengen Tehnogendik mıneraldyq túzilimderdiń memlekettik kadastryn júrgizý qaǵıdasy (budan ári – Qaǵıda) tehnogendik mıneraldyq túzilimderdiń memlekettik kadastryn ( budan ári – memlekettik kadastr) júrgizý tártibin belgileıdi. 2. Memlekettik kadastrdy júrgizý Jer qoı­naýynyń memlekettik qorynyń jaǵdaıyn esepke alý júıesiniń quramdas bóligi bolyp tabylady. 3. Memlekettik kadastrdy jer qoınaýyn zert­teý men paıdalaný jónindegi ýákiletti organ (budan ári – ýákiletti organ) júrgizedi. 2. Tehnogendik mıneraldyq túzilimderdiń mem­le­kettik kadastryn júrgizý tártibi 4. Memlekettik kadastr jáne mıneraldyq shıki­zatty qaıta óńdeý týraly memlekettik kadastr esepke alý pasporttary (budan ári – Pasport) túrinde resimdeletin, mıneraldyq shıki­zat­ty óndirý men óńdeýdiń jınalatyn qaldyq­tarynyń jaı-kúıi jáne paıdalaný týraly júıe­lengen, kezeńdiligimen tolyqtyrylatyn jáne naqty­lanatyn birizdendirilgen qysqasha máli­met­terdiń jıyntyǵyn bildiredi. Memlekettik kadastr saqtaýdyń sandyq jáne sapalyq kórsetkishteri, taý-ken tehnıkalyq jáne ekologııalyq jaǵdaılary kórsetile otyryp, tehnogendik mıneraldyq túzilimderdiń tıpteri men túrlerin sıpattaıtyn úıme obekt boıynsha málimetterdi qamtıdy. 5. Tehnogendik mıneraldyq túzilimder memlekettik kadastrda esepke alýǵa jatady. 6. Pasporttar ındýstrııalyq saıasatty retteý salasyndaǵy ýákiletti organ bekitetin Tehnogendik mıneraldyq túzilimderdiń memlekettik ka­dastryn júrgizý jónindegi nusqaýlyqtyń talap­taryna sáıkes toltyrylady. 7. Pasporttardy menshik nysanyna jáne ju­mystardy qarjylandyrý kózderine qaramastan, jyl saıyn barlyq jer qoınaýyn paıdalaný­shylar: ken oryndaryn ıgerý kezinde qaldyqtar jı­naqtalǵan; paıdaly qazbalar baıytylǵanda jáne mıne­raldyq shıkizatty metallýrgııalyq turǵydan bólgen; ıgerýdiń jańa tehnologııalyq jobalary bekitilgen jaǵdaıda jasaıdy. Jer qoınaýyn paıdalanýshy pasportty tórt danada jasaıdy jáne jyl saıyn 15 aqpannan ke­shiktirmeı bastapqy esepke alý materıal­daryna negizdelgen jer qoınaýynyń jaı-kúıi týraly geologııalyq eseptiliktiń arnaýly nysan­daryn ýákiletti organǵa usynýmen bir ýaqytta: ekeýin – ýákiletti organnyń óńiraralyq departamentine (odan ári – О́D), úshinshisin – qorshaǵan ortany qorǵaý salasyndaǵy ýákiletti organǵa jiberedi, tórtinshisin jer qoınaýyn paıdalanýshy ózinde saqtaıdy. О́D pasporttardy teksergennen keıin bir danasyn ýákiletti organǵa jiberedi. 8. Ýákiletti organ kelip túsken Pasporttardy memlekettik kadastrge engizedi jáne: memlekettik kadastrdyń materıaldaryn jı­naýdy, esepke alýdy, júıeleý men saqtaýdy; esepteý tehnıkasyn paıdalana otyryp, memlekettik kadastrdyń derekterin óńdeýdiń avto­mat­tandyrylǵan júıesin qurýdy jáne onyń jumys isteýin jáne onyń negizinde jer qoına­ýyn paıdalanýshylarǵa anyqtamalyq-aqparat­tyq qyzmet kórsetýdi qamtamasyz etedi.