Elbasy Nursultan Nazarbaev memleket jáne qoǵam qaıratkeri Saǵıdolla Qubashevtyń qaıtys bolýyna baılanysty týǵan-týystary men jaqyndaryna kóńil aıtý jedelhatyn joldady, dep habarlady Prezıdenttiń baspasóz qyzmeti.
Memleket basshysy qaıǵyǵa ortaqtasyp, kóńil aıtty. Nursultan Nazarbaev S.Qubashevtyń uzaq jyl túrli memlekettik organdarda qyzmet istep, elimizdiń áleýmettik-ekonomıkalyq damýyna aıryqsha úles qosqanyna toqtalyp ótti. Atap aıtqanda, ol birneshe oblystyq atqarý komıtetteriniń tóraǵasy, Gýrev jáne Semeı oblystyq partııa komıtetteriniń birinshi hatshysy, Mınıstrler Keńesi tóraǵasynyń orynbasary, Qazaqstan Kompartııasy Ortalyq Komıtetiniń ekinshi hatshysy qyzmetterin atqaryp, basqarý jumystarynda shyńdaldy.
«Ol Qazaqstannyń ósip-órkendeýine, jas býyndy tárbıeleýge kóp eńbek sińirdi. Saǵıdolla Qubashevtyń jemisti qyzmeti joǵary marapattarmen atap ótildi», – delingen jedelhatta.
Nursultan Nazarbaev S.Qubashevtyń jarqyn beınesi árdaıym qazaqstandyqtardyń júreginde saqtalatynyn aıtty.