Basqarma basshysy

bas dárigerlerden para alǵan ba? Sońǵy jyldary Jambyl ob­lystyq densaýlyq saqtaý basqar­masynyń basynan daý ketpeı qoıdy. Máselen, osydan birneshe jyl buryn densaýlyq saqtaý basqar­masyna basshy bolǵan Q.Quralbaev degen azamatqa dári-dármek tender­lerin durys ótkizbedi degen aıyp taǵylyp, isti bolyp, qyzmetinen bosatyldy. Odan keıin basshy bolǵan B.Jetibaev qyzmettik kabı­netinde 3 mıllıon teńge para alyp jatqan jerinen ustalyp, segiz jyldy arqalap shyǵa keldi. Jetibaevtan keıin oblystyń densaýlyq saqtaý salasynyń tizginin ustaǵan V.Ovsıannıkov birneshe jyl jap-jaqsy qyzmet etip, Shyǵys Qa­zaqstan oblysyna týra sondaı qyzmetke aýysyp ketken-di. Jaqynda ǵana aqparat quraldary V.Ovsıannıkovtyń da sol qyzmetinde paramen ustal­ǵanyn jarysa jazdy. Endi mine, apta basynda birneshe saıttarda Jambyl oblystyq densaýlyq saqtaý basqarmasynyń basshysy E.Masalımovtyń já­ne onyń eki orynbasarynyń, son­daı-aq, memlekettik satyp alý, ekonomıka jáne bıýdjet­tik josparlaý bólimderi jetek­shileriniń para aldy degen kúdi­kpen ustalǵandary týraly aq­parattar jarııalandy. Olar qyzmettik ókilettikterin teris paıdalana otyryp dári-dármek jáne medı­sınalyq jabdyqtardyń tender­lerin ótkizýde zańsyz áreketterge barǵan kórinedi. – Ústimizdegi jyldyń 25 aq­pa­nynda Jambyl oblystyq den­saýlyq saqtaý basqarmasynyń bas­shylaryna qatysty qyl­mystyq is arnaıy tirkeýge alynyp, jasyryn túrde tergeý áreketteri júrgizildi, – deıdi bul jóninde Sybaılas jemqorlyqqa qarsy is-qımyl ulttyq bıýro­synyń Jam­byl oblysy boıynsha depar­tamenti basshysynyń orynbasary Raýan Ramazanov. – 19 sáýir kúni basqarma basshysy ustalyp, tergeý áreketteri ári qaraı jal­ǵasýda. Qazir E.Ma­salımov ýaqytsha qa­maýǵa alyndy. Masalımov jáne onyń eki orynbasary jáne bólim meńgerýshileri júıeli túrde bas dárigerlerden 300 ben 10 000 dol­lar kóleminde para alyp otyrǵan. Ázirge bul jóninde 7 fakti anyqtaldy. Onyń ishinde qy­zmetke taǵaıyndaý jáne jeke stomatologııalyq klınıkalardyń memleketten bólinetin sýbsı­dııalarǵa qol jetkizýmen tenderlerde jeńimpaz ataný úshin berilgen paralar bar. Aldaǵy ýaqytta basqarma basshysynyń eki orynbasarynyń jáne bólim meńgerýshileriniń, sondaı-aq para bergen tulǵalardyń bas sharasy anyqtalatyn bolady. Árıne, tergeý bitpeı jatyp bireýdi kinálaýdan aýlaqpyz, istiń aq-qarasyn tıisti organdar teksere jatar. Áıtse de Jambyl oblystyq densaýlyq saqtaý depar­tamentindegi bul jaǵdaı áli biraz «jyr» bolatyny anyq. Oralhan DÁÝIT, «Egemen Qazaqstan» Jambyl oblysy