Birlik pen biregeılik – bútindigimizdiń kepili

Yntymaq, birlik, kelisim –  eń asyl baılyq el úshin

Keshe Qazaqstan Res­pýblıkasynyń Mem­­lekettik hat­shy­sy Gúlshara Ábdiqa­ly­qo­va­nyń qatysýymen As­sam­­bleıa Keńesiniń keńeı­tilgen otyrysy ótip, onda QHA qyz­meti­niń birqatar ózekti máse­leleri qaraldy. Keńeıtilgen otyrys ba­ry­synda Ult Josparynyń «Bir­lik pen biregeılik» baǵytyn, sonyń ishinde Qazaqstan halqy Assambleıasy qyzmetiniń jańa salalaryn QHA aıasynda júzege asyrý jáne QHA de­pý­tattyq korpýsy alqasy qyz­metiniń negizgi baǵyttary men birqatar uıymdastyrý máse­leleri qarastyryldy. Keńeıtilgen otyrysta sóz al­ǵan Qazaqstan Respýblıkasynyń Mem­lekettik hatshysy G.Ábdiqalyqova Memleket bas­shy­synyń Ult Jos­pary sheń­berindegi tapsyr­malaryn júzege asyrý boıynsha aıta kelip, Assambleıa Keńesi mú­she­leriniń jáne etnomádenı bir­les­tik­terdiń júrgizip jatqan ju­mys­tarynyń mańyzdylyǵyna toqtaldy. G.Ábdiqalyqova el táýel­siz­diginiń 25 jyldyǵy belesinde óte­­tin QHA XXIV sessııasynyń «Táýel­­sizdik. Kelisim. Bolashaǵy Bir­tu­tas Ult» atty kún tárti­bi Qazaq­standy jahandyq trans­for­ma­sııa men ekonomıkalyq týr­bý­­lenttik kezeńinde tabysty damy­­týdyń sharty retinde beıbit­shi­lik pen kelisimdi nyǵaıtýdyń mańyz­dylyǵyn kórsetetinin aıtty. Memlekettik hatshy óz sózinde Qazaqstannyń táýelsiz memleket retinde halyqaralyq deńgeıde úlken bedelge ıe ekendigine toqtaldy. Buǵan Elbasynyń Vashıngtonda ótken Iаdrolyq qaýipsizdik jónindegi IV sammıtte jarııa etken jańa syrtqy saıası bastamasy – «Álem. HHI ǵasyr» manıfesi dálel bolmaq. Mańyzdy qujat halyqaralyq turǵydan keń serpilis týǵyzyp, BUU-nyń resmı qujattarynyń tizbesine endi. Memlekettik hatshy biregeılik pen birlikti nyǵaıtý jáne damytý jónindegi barlyq jumys qoǵamdyq kelisim men jalpyulttyq birliktiń qazaqstandyq úlgisi bolyp otyrǵan Qazaqstan halqy Assambleıasynyń úılestirýi arqyly júrgizilip jatqanyna toqtaldy. «Reforma aıasynda «Biregeılik pen birlik» baǵyty boıynsha Assambleıa qyzmetiniń jańa ba­ǵyttary – qaıyrymdylyq shara­lary, medıasııa, qoǵamdyq monıtorıng qalyptastyryldy. Olar mem­leket pen qoǵamnyń birqatar áleýmettik máselelerdi sheshý isine azamattyq turǵydan qatysýdy tıimdi qamtamasyz etedi», – dep atap kórsetti Memlekettik hatshy. Assambleıa Keńesiniń keńeıtilgen otyrysynda sóz alǵan Soltústik Qazaqstan oblysynyń ákimi Erik Sultanov oblystyq Qazaqstan halqy Assambleıasynyń qazaqstandyq biregeılik pen birlikti nyǵaıtý jolyndaǵy atqaryp jatqan qyzmeti týraly baıandady. Búginde Soltústik Qazaqstanda 24 oblystyq jáne 154 aýdandyq etnomádenı birlestik jumys isteıdi. Oblystaǵy «Qoǵamdyq keli­sim» birlestigi etnomádenı bir­lestikter arasyndaǵy baıla­nysty nyǵaıtýǵa qyzmet etip keledi. Sondaı-aq, memlekettik tildi damytýǵa, qazaqstandyq etnostar­dyń tildik bolmysyn saqtaýǵa jáne órkendetýge yqpal etedi. Basqa ulttardyń ókilderi retinde 542 bala ana tilin oqyp-meńgerýde. 2012-2013 oqý jylynda qazaq balalarynyń 65,6 paıyzy ana tilinde bilim alatyn bolsa, bıylǵy oqý jylynda bul kórsetkish 67,2 paıyzǵa jetti. Sol sııaqty, basqa ult ókilderiniń ishinen 273 bala qazaq synyptarynda bilim alady. Qys­qasy, sol­tústikqazaqstandyqtar­dyń mem­lekettik tildi meńgerýge de­gen yntasy artyp otyr, dedi E.Sultanov. Belarýs etnomádenı birles­tiginiń tóraǵasy Leonıd Pıtalenko Assambleıanyń aýqymdy jobasy «Úlken el – Úlken otbasy» aıasyn­da atqarylǵan sharalarǵa toqtal­dy. Qazaqstandyq biregeılikti jáne azamattardyń birligin nyǵaı­týǵa baǵyttalǵan tórtinshi ınstı­týt­tyq reformany júzege asyrý bo­ıynsha etnomádenı birlestik­terge úlken úmit pen jaýapker­shilik júkteletindigin bildirdi. Sondyq­tan da etnomádenı birlestikter «Máńgilik El» jalpyulttyq ıdeıa­sy negizinde jastardyń boıynda qazaqstandyq patrıotızm men aza­mattyq biregeılikti qalyptas­tyrýdy óziniń aldyńǵy kezektegi mindetiniń biri retinde sanaı­tyn­dyǵyn erekshe atap kórsetti. Qazaqstan Respýblıkasy Ult­tyq mýzeıiniń dırektory Dar­han Myńbaı «Qazaqstan hal­qy Assambleıasynyń jáne Qazaq­stannyń kópetnostyq qoǵamynyń qalyptasý tarıhy» zalynyń ta­nystyrylymy tóńireginde áńgi­meledi. Oblys ákimderiniń kóme­gimen Ulttyq mýzeı eldiń tarıhı derekti-jylnamasyn jasap shyq­ty dep aıtýǵa bolady. Ja­ńa zal eks­ponattary Táýelsiz Qazaq­stan­nyń memlekettiliginiń qalyp­ta­sýy men damýynyń alǵash­qy kezeńi­nen óskeleń urpaqqa tolyq­qandy aqparat beredi. Ulttyq mýzeı uıymdastyryp otyrǵan mun­daı sharalar elimizdiń basty qundy­lyqtary men jetistikterin mýzeı­ge kelýshilerge pash etedi, dedi D.Myń­baı. D.Myńbaı aıtqandaı, keńeı­tilgen otyrys aıasynda Qazaqstan halqy Assambleıasynyń HHII sessııasynda Memleket basshysy bergen tapsyrmaǵa oraı qurylǵan «Qazaqstan halqy Assambleıasynyń jáne Qazaqstannyń polıetnostyq tarıhy» atty zaldyń saltanatty ashylý rásimi ótti. Qazaqstan halqy Assambleıasynyń bet-beınesi bolyp tabylatyn bul zalda Qazaqstan halqynyń tarıhı jadynamasy men rýhanı-mádenı murasy saqtalady. Sondaı-aq, keńeıtilgen keńeske qatysýshylar «Táýelsizdik tarıhy: qazaqstandyq damý jolynyń qar­qyny» degen taqyryptaǵy kór­memen, QHA depozıtarııasymen ta­nysty. QHA Keńesiniń qorytyndysy boıynsha Memlekettik hatshy Qa­zaqstan halqynyń birligi men qoǵam­dyq kelisimdi odan ári nyǵaıtý jáne damytý jóninde birqatar tapsyrma berdi. Assambleıa Keńesiniń jumy­syna Parlament depýtattary, mem­­lekettik ortalyq jáne jergi­likti atqarýshy organdardyń je­tek­­shileri, respýblıkalyq jáne aımaq­tyq etnomádenı birles­tik­terdiń, aımaqtyq Assambleıalar hatshy­lyqtarynyń, QHA Ǵylymı-sarap­shylyq keńesiniń músheleri, ǵylymı-shyǵarmashylyq zııaly qaýym jáne BAQ ókilderi qatysty. Ǵabıt ISKENDERULY, «Egemen Qazaqstan»