Internet-trafıkpen almasý núktelerin qurý týraly másele Investısııalar jáne damý mınıstrliginiń baılanys, aqparattandyrý jáne aqparat komıtetinde ótken basqosýda talqylandy. Jıynǵa vıse-mınıstr Sáken Sársenov tóraǵalyq etti. Oǵan «Ksell», «Kar-Tel», «Mobaıl Telekom-Servıs», «Qazaqtelekom», «Transtelekom», «QazTransKom», Astel jáne «Memlekettik tehnıkalyq qyzmet» RMK, TNS plus sııaqty kompanııalardyń jetekshileri qatysty.
Jıynda baılanys operatorlarynyń jumysyna qatysty birqatar másele talqylanyp, aldaǵy EKSPO-2017 kórmesine oraı eldegi baılanys júıesin barynsha jaqsartý jaıy qaraldy. Kórmeniń óter ýaqyty jaqyndap qalǵany belgili. Osyǵan baılanysty ondaǵy barlyq bazalyq stansalardy quryp, ornatý jumystaryn 2016 jyldyń qazan aıyna deıin aıaqtaý jóninde tapsyrma berildi. Bul rette elimizde pırıngtik ortalyq qurýdyń mańyzdylyǵy aıtyldy. Oǵan arnaıy jumys tobyn qurý týraly sheshim qabyldandy. Jobany júzege asyrý provaıderlerdiń shyǵyndaryn ońtaılandyrý jáne túpki paıdalanýshylarǵa ınternet-qyzmetterin kórsetý tarıfterin tómendetýge múmkindik beredi. Trafıkpen almasýdyń mundaı núktesin qurý jalpy alǵanda ınternet naryǵynyń qazaqstandyq segmentin damytýǵa túrtki bolýǵa múmkindik bermek. Operatorlar arasynda trafıktiń ótý marshrýttaryn ońtaılandyrý, jelilik málimetter paketin jiberý ýaqytyn qysqartý, qymbatqa túsetin halyqaralyq baılanys arnalardyń júktemelerin azaıtý sııaqty máselelerdi endi osyndaı ortalyq retke keltiredi dep kútiledi. Mundaı ózara is-áreketter Internet-trafıktiń ótý marshrýttaryn ońtaılandyrýǵa yqpal jasaıdy, sonyń nátıjesinde qymbatqa túsetin halyqaralyq Internet-arnalarynyń júktemelerin tómendetýge kómektesedi, nátıjesinde Internet qyzmetteri naryǵynda qazaqstandyq segmenttiń damý dınamıkasyna ońtaıly yqpal jasaıdy dep boljanýda.
«Egemen aqparat»