anasy qaıtys bolǵan soń 55 kúnnen keıin týyldy
Polshada bir náreste anasy qaıtys bolǵan soń 55 kúnnen keıin dúnıe esiginen attady. Dárigerlerdiń málimdeýinshe, osynaý tańǵalarlyq oqıǵa qazirgi zamanǵy ozyq medısınalyq jabdyqtardyń arqasynda múmkin bolǵan.
Buqaralyq aqparat quraldary baıandaǵandaı, 45 jastaǵy polıak áıeli obyr aýrýymen aýyrǵan. Onyń júktiliginiń 17-aptasynda mıy ólgeni belgili bolǵan. Alaıda, es-tússiz jatqan áıeldiń júregi báribir toqtaýsyz soǵyp turǵan. Osydan keıin dárigerler onyń qursaǵynda jatqan balany aman alyp qalý jóninde sheshim qabyldaǵan.
Alǵashqy tájirıbe sátti ótken. Arnaıy jabdyqtyń arqasynda dárigerler áıeldiń tiri turýyna jaǵdaı jasap kelgen. Osy aralyqta ótken 55 kúnde olar náresteni anasynyń qarnyn jarý arqyly alyp shyqqan.
RMF FM radıosynyń aqparatyna qaraǵanda, sharana bıylǵy 9 aqpanda dúnıege kelgen. Týǵan kezinde onyń salmaǵy nebári 1 kılo tartqan. Oǵan qarqyndy terapııa jasalǵan. Bir aıdan keıin bala respıratordan ajyratylǵan. Taǵy eki aıdan keıin úıine shyǵarylady. Qazir bala aman-esen ósip keledi. Onyń salmaǵy 3 kıloǵa jetken. Qazir ol ákesiniń baǵymynda ósip jatyr.
Murat AITQOJA