Manıfestiń máni aıshyqtala tústi

Qazaqstan Prezıdentiniń «Álem. XXI ǵasyr» manıfesin álem parlamentshileriniń halyqtyń qonystanýy men damýy jónindegi aýqymdy konferensııasyna qatysýshylar qoldaıdy. Parlament Májilisi Tóraǵasynyń orynbasary Gúlmıra Isimbaeva men palatanyń Ekologııa máseleleri jáne tabıǵat paıdalaný komıtetiniń múshesi Quralaı Qaraken halyqtyń qonystanýy jáne damýyna baǵyttalǵan aýqymdy konferensııa jumysyna qatysty. Ise-Sımada (Japonııa) ótetin úlken jetilik – 2016 Sammıtiniń qurmetine arnalǵan mańyzdy forým 26-27 sáýir kúnderi Tokıoda ótti, dep habarlady Májilistiń baspasóz qyzmeti. Plenarlyq otyrysta «Turaqty damý maqsattary dáýirindegi aýqymdy yntymaqtastyqta parlament ókilderi men parlamenttik jelilerdiń róli» taqyrybynda sóz alǵan qazaqstandyq delegasııa basshysy G.Isimbaeva shara­ǵa qatysýshylardy Qazaq­stan Prezıdentiniń «Álem. HHI ǵasyr» manıfesiniń, «100 naqty qadam» Ult Josparynyń basymdyqtarymen, sonymen qatar, bizdiń elimizdiń ıadrolyq qarýsyzdaný jáne taratpaý isine qosyp jatqan úlesimen tanys­tyrdy. Manıfestiń mátini konfe­ren­sııaǵa qatysýshylarǵa aǵyl­shyn jáne japon tilderinde tara­typ berildi. Halyqtyń qonys­tanýy men damýy jónindegi par­lamentshilerdiń Azııa forýmy basshylyǵyna, Japonııa Parlamenti О́kilder palatasynyń Spıkeri T. Oshımaǵa tabys etildi. Manıfest qaǵıdalary forýmǵa qatysýshylardyń qyzý qoldaýyna ıe boldy. Máselen, Jańa Zelan­dııadan kelgen Parlament depýtaty Treısı Martın manıfeste aıtylǵandardyń qat­ty tańǵaldyrǵanyn jáne Qazaq­s­tan Prezıdentiniń beıbit ómirge úndeýin budan da úlken halyq­aralyq aýdıtorııaǵa jetkizýge da­ıyn ekendikterin bildirdi. Jumys sapary barysynda Májilis Tóraǵasynyń orynbasary birqatar ekijaqty kezdesýler ótkizdi. Japonııa Parlamenti О́kilder palatasynyń Spıkeri T.Oshımamen, HQDPAF tóraǵasy K.Takemımen, Qazaqstanmen dos­tyqty nyǵaıtý jónindegi japon­dyq parlamenttik lıganyń je­tek­shisi T. Kavamýrmen júz­de­sip, par­lamentaralyq ynty­maqtastyqty tereńdetý másele­lerin talqylady. HQDPAF atqarýshy komı­tetiniń 80-shi jıyny qarsańynda Gúlmıra Isimbaeva atalǵan parla­menttik forýmnyń Vıse-tóraıymy qyzmetine bekitilgen bolatyn. Aıta keterligi, 2016 jyly Ise-Sımada (Japonııa) ótetin Úlken jetiliktiń 42-shi sammıtin atalǵan uıymnyń Turaqty damý maqsattary qabyldanǵannan keıingi alǵashqy Sammıti deýge bolady. Bul – qatysýshy-elder kóshbasshylarynyń halyqtyń qonystanýy máselelerin sheshý úshin qabyldanatyn sharalardyń mańyzdylyǵyn damý jónindegi barlyq halyqaralyq kelisimderdi júzege asyrýdyń bir bóligi retinde kórsetýdiń erekshe múmkindigi. Sammıt qarsańynda álemniń túkpir-túkpirinen Parlament ókil­deri Tokıoǵa sammıt kósh­bas­shylarynyń atyna halyqtyń qonystanýy máseleleriniń ózek­tiligi týraly habardarlyqty arttyrý jóninde ujymdyq úndeý daıyndaý úshin jınaldy. Atalǵan konferensııany ha­lyqtyń qonystanýy men damýy jónindegi Japonııa par­la­mentshileri federasııasy HQDPAF-pen birlesip uıym­dastyrdy.  Joǵary deńgeıdegi shara­ǵa 68 elden 100-den astam dele­gat qatysty.