Aqmola jerinde synaqtan ótip jatyr
Aqmola oblysynyń Shortandy aýdanynda ornalasqan A.Baraev atyndaǵy astyq sharýashylyǵy ǵylymı-zertteý ınstıtýty bıdaı tuqymynyń jańa bir túrin synaqtan ótkizýde. Astyqtyń bul surpy buǵan deıin tek Germanııa, Polsha, Fransııa, Avstralııa, Qytaı, Vengrııa jáne Belarýs elderinde ósirilgen.
Otandyq bıdaıdyń basty ereksheligi – qýańshylyqqa shydamdylyǵy. Qazir zerthanalyq jaǵdaıda synaqtan ótip jatqan jańa tuqym endi 7-8 jyldan keıin egistik dalasyna sebiledi. Mamandardyń aıtýynsha, bul suryptyń bolashaǵy zor. Bizben pikirlesken atalǵan ınstıtýttyń zerthana meńgerýshisi Galına Shtefan bylaı dedi:
– Atalmysh tuqymnyń qoldanys aıasy óte keń. Ony sharýalar mal jemi retinde de paıdalana alady.
Baqbergen AMALBEK,
«Egemen Qazaqstan»
Aqmola oblysy,
Shortandy aýdany