500-den astam jas ustazǵa berildi
Pavlodar oblysynda 528 pedagog jas maman jańa jumysqa joldama aldy. Endi olar eńbek jolyn oblystaǵy orta mektepterden bastaıdy.
Oblystyq bilim berý basqarmasynyń habarlaýynsha, bıyl pedagogıkalyq mamandyqtar boıynsha Pavlodardaǵy joǵary jáne arnaýly orta oqý oryndaryn myńnan astam túlek bitiredi. Atalǵan basqarmanyń mamany Baljan Ádilhanova: «Aýyldyq kvota boıynsha – 87 túlek, aýdan jáne qala ákimderiniń granty boıynsha – 77 mektep bitirýshi jáne Qazaqstandaǵy bilim berý granttary boıynsha 413 túlek joǵary oqý oryndarynda bilim aldy», – deıdi. Sondaı-aq, ol kóp tilde oqytý baǵdarlamasy boıynsha PMPI-diń 82 túlegi oqý jylyn aıaqtap jatqanyn aıtty.
–Jumys oryndaryna bólý kezinde bitirýshi dıplomynyń ortasha baly eskeriledi. Aımaqtaǵy bilim berý uıymdaryna jiberilgen 520 túlektiń 351-i joǵary oqý oryndarynyń jáne 169-y kolledj bitirýshiler, – dedi Baljan Ádilhanova.
Talǵat RAIYMBEK,
«Egemen Qazaqstan»