Astanadaǵy Áskerı-tarıhı mýzeıde álemdik deńgeıdegi Stokgolm qalasy Armııa mýzeıiniń «О́mir men ólim arasyndaǵy zattar» atty kórmesiniń ashylý saltanaty ótti. Kórme 2010 jyly sol jyldyń úzdik estetıkalyq jobasy retinde «Altyn vıtrına» júldesine ıe bolǵan edi. Sonymen qatar, Shvesııa, Norvegııa, Belgııa, Polsha, Belarýs jáne Estonııa elderinde keńinen tanylǵan eken.
Atalǵan jyljymaly kórme búgingi tańda Armııa mýzeıiniń álemdik deńgeıdegi eń úzdik jobasy bolyp tabylady. Kórmeniń ereksheligi sol, munda qarý-jaraq atymen joq. Eksponattardyń deni – kúndelikti turmysta, ıaǵnı soǵystarda tutynylǵan zattar: ydys-aıaq, qural-saıman, asaı-múseıler. Bir qaraǵanda, jaı zattar sekildi kórinetin bul qundy dúnıelerdiń astarynda nebir bultartpas shyndyq pen tarıh aqıqaty jatyr.
Soǵys surapylynda otbasynan jyraqta júrgen jaýyngerdiń eń qymbat ta qasıetti jádiger boıtumarlarymen osy áskerı kórmede ǵana tanysa alasyz. Uıymdastyrylyp jatqan shara halyqaralyq deńgeıdegi áskerı-tarıhı mýzeılermen jaqsy qarym-qatynas ornatyp, aldaǵy ýaqytta tájirıbe almasýǵa kópten-kóp septigin tıgizbek.
Sondaı-aq, kórmeniń ashylý saltanatyna Qorǵanys mınıstrliginiń basshylary, ǵylym men mádenıet, qoǵam qaıratkerleri, stokgolmdik armııa mýzeıiniń dırektory Eva-Sofı Ernstell jáne Astana qalasyndaǵy dıplomatııalyq korpýstar ókilderi qatysyp, paıymdy pikir, utqyr usynystarymen bólisti. 522 eksponat qoıylǵan kórme 2016 jyldyń 15 qazanyna deıin jalǵasady.
Raýshan TÁÝIRHANQYZY,
«Egemen Qazaqstan»