Qonystoılar kóbeımek

Qaı kezeńde de baspana máselesi kún tártibinen túsken emes. Qazir ishki kóshi-qonnyń toqtamaýyna oraı, oblys ortalyǵynda jáne kishi­girim qalalarda bul má­se­le ótkir­lene túsken tárizdi. Áleý­mettik baspanaǵa kezek te uzyn-sonar. Al jergilikti bıýdjet qarajaty turǵyndardyń bul su­ranysynyń barlyǵyn óteý­ge qaý­qarsyz. Sondyqtan tur­ǵyn úı qurylysyna qarajat túrli baǵdarlamalar men qarjy ınstıtýttarynan tartylady. Sondaı qarjy kózderiniń basynda «Báıterek» ulttyq basqarýshy holdıngi tur. Qostanaıǵa onyń basqarma tóraǵasy Qýandyq Bıshim­baev basqarǵan kompanııa­lar tobynyń delegasııasy kelip, oblys ákimdigimen birqa­tar kelisimderge qol qoıdy. Dele­gasııa músheleri salynyp jat­qan kóp qabatty turǵyn úı qury­lystaryn aralap kórdi. Qýandyq Bıshimbaev oblys ákimi Arhımed Muhambetovpen birge «Aeroport» shaǵyn aýdanyndaǵy qurylysy endi bastalatyn 9 qabatty turǵyn úıdiń irgetasyna tas qalady. Jalpy, Qostanaı oblysynda 2016-2017 jyldary túrli qarjylandyrý ınstıtýttaryn paıdalana otyryp, 13 mıllıard teńgege 112 myń sharshy metr qoljetimdi áleýmettik turǵyn úı salý josparlanyp otyr. Bul 1800 qostanaılyq otbasynyń baspana jaǵdaıyn jaqsartady degen sóz. Sonymen qatar, osy holdıng quramyna kiretin basqa da kompanııalarmen birneshe turǵyn úı baǵdarlamalary sheńberinde jumys bastalmaq. Oblys ákimdi­giniń 3,4 mıllıard teńgeniń oblıgasııalaryn shyǵarý arqyly «Turǵynúıqurylysjınaqbanki» AQ salymshylaryna arnalǵan nesıelik qurylysyna «Báıterek Development» AQ qarjysy tartylady. Bul 528 páterli 9 úı salýǵa múmkindik beredi. Osy jobalardy júzege asyrý úshin oblys ákimdigi men atalǵan bank arasynda baspana salýdy turǵyn úı qurylysy salymdary júıesi arqyly júzege asyrý jónindegi yntymaqtastyq memorandýmyna oblys ákimi Arhımed Muhambetov pen «Turǵynúıqurylysjınaqbanki» AQ basqarma tóraǵasy Aıbatyr Jumaǵulov qol qoıdy. Sondaı-aq, memleket-jeke­menshik áriptestigi negizinde de «Báıterek development» AQ jeke­menshik qurylys kompanııalarymen jumys júrgizbek. Sonyń arqasynda Qostanaıda aldaǵy ýaqytta 5,8 mıllıard teńge turatyn 8 úı salynbaq. Onda 677 otbasy jańa qonysyn tabady. Osyndaı ıgilikti jumysqa nıet bildirgen «Báıterek development» kompanııasy qostanaılyq «BK-Stroı», «Agrofırma «Irına ı K», «Remstroımontaj» qury­lys kompanııalarymen memoran­dýmǵa qol qoıdy. Bul kelisimder sheńberinde Qostanaı qalasyndaǵy «Aeroport», «Arman» shaǵyn aýdandarynda jańa turǵyn úı qurylystary bastalady. Qury­lysshylar óz tarapynan sapaly turǵyn úılerdi der ýaqytynda salatyn bolady, al «Báıterek development» qurylys jobalaryn qarjymen qamtamasyz etedi. Oblys ákim­digi qurylys túsetin jer bólip, onyń ınfraqurylymyn qam­tamasyz etedi, kórkeıtý, kógaldandyrý, balalar alańyn salý jumystaryn júrgizedi. Daǵdarys qıyndyqtaryna baılanysty bıýdjet qorjyny ju­qarǵan ýaqytta qarjy resýrsyna ıe «Báıterek» ulttyq basqarýshy holdıngi elimizdegi kóptegen ınfraqurylymdyq jobalardy qarjylandyryp otyr. Sonymen qatar «Memleket-jekemenshik áriptestigi týraly» zań qarjy jáne jeke menshik qurylymdardan ınvestısııa tartýǵa múmkindik berip otyrǵany taǵy bar. – «Nurly Jol» ınfra­qu­ry­lymdyq memlekettik damý baǵdarlamasy aıasynda bizdiń enshiles uıymymyz «Báıterek development» 2016 jyly Qostanaı oblysynda quny 7 mıllıard teńge bolatyn 49 myń sharshy metr turǵyn úı salatyn bolady, – dedi Qýandyq Bıshimbaev. – 2012 jyldan bastap bizdiń oblysta «Turǵyn­úıqury­lys­jı­naqbanki» jelisimen myńnan asa adam baspanaly boldy. Bú­ginde 30 myńnan asa qostanaı­lyqtar banktiń salymshylary­na aınalǵan. Munyń ózi turǵyn úı baǵdarlamasynyń bul baǵy­ty da suranymǵa ıe degen sóz. Biz «Báıterek» holdıngi bólim­shelerimen yntymaqtasa otyryp, áli de myńdaǵan qostanaı­lyqtardyń baspana jaǵdaıyn jaqsartatyn bolamyz, – dedi oblys ákimi Arhımed Muhambetov. Názıra JÁRIMBETOVA, «Egemen Qazaqstan» QOSTANAI